李家鼎（鼎爷）前妻施明的丧礼将于今日（4月22日）于大围宝福纪念馆设灵，翌日大殓仪式结束后，灵柩随即奉移富山火化场火化。钟志光（钟Sir）亦有到灵堂送别施明，他离开时接受传媒访问，表示：“今日嚟鞠个躬，因为仪式要开始，所以我依家走，唔可以喺仪式中途离场。（鼎爷瘦咗好多？）近排见佢系瘦咗，以我所知鼎爷个胃有少少唔妥，食嘢唔系咁好。”谈到李泳汉和李泳豪近日的是非，钟Sir表示没有跟李泳汉合作过，但就有跟李泳豪合作：“我同豪仔喺《爱·回家》系同一条线，豪仔成熟啲，其实每个人有每个人嘅做法，外人唔可以指指点点。”

钟Sir指李泳豪很爱锡他母亲施明，忆述一件往事说：“有次豪仔拍紧《爱·回家》收到电话，话佢妈妈身体有事，佢听完个电话即时含住眼泪，但系佢好尽责，当时仲差一个shot，佢话拍完先，咁导演知道咗都马上停拍畀佢走先，系两三年内嘅事，我好有印象。（你识唔识佢太太Agnes？）我识呀，佢太太好好，对我哋好关照，佢系台湾人，中秋节会订文旦请我哋食，好客气。”问到知否李泳汉与Agnes不和？钟Sir说：“我都系从传媒得知，事实点系唔知嘅，一家唔知一家事，我亦从来唔会同豪仔谈论呢啲。（灵堂入面有无见到佢哋两兄弟有交流？）佢哋两兄弟都喺度，我入去同佢哋主人家讲节哀保重，可能时间好短，唔见到佢哋两兄弟有交流，佢哋有企埋一齐，不过鼎爷无坐埋去，唔知系咪啲习俗安排。（Agnes唔入得灵堂。）我无特别问豪仔。”