资深艺人施明早前离世，今日（23/4）出殡，灵柩随即移送火葬场火化。然而，原本哀伤的丧礼却笼罩著家庭决裂的阴影。外界盛传大仔李泳汉与细佬李泳豪因多年恩怨彻底决裂，甚至指李泳汉下“逐客令”拒绝弟媳 Agnes 踏入灵堂半步。

亲友哀伤出席　解秽酒现场气氛凝重

完成火化仪式后，李泳汉带领亲友前往尖沙咀一间酒楼享用“解秽酒”。现场见李泳汉一脸憔悴，双眼通红，显然为亡母丧事奔波已久。面对传媒连番追问有关“拒绝弟媳入灵堂”及“兄弟不和”的指控，李泳汉在解秽酒后首度开腔回应。他语气沉重，直言现在只想一心一意送母亲最后一程：“其实我而家真系好多事仲要去处理嘅 ，暂时冇时间同细佬坐低慢慢倾，应该你都睇下佢自己，如果佢都想话阿哥坐返低倾偈 I Never say no我唔会 say no。”李泳汉续说：“但办理呢件事，我系第一时间要佢出席嘅，甚至乎有啲咁唔愉快嘅事，我都冇话叫佢唔好出席，所以睇佢。”

️坚称母亲未认媳妇　强调“有人证”

在场记者指出他不让弟媳出席丧礼。李泳汉强调：“呢个系我阿妈嘅意愿，我一早讲过我阿妈冇认过佢，我系要坚守。（记者再追问你单方面讲！）边个话单方面讲，你哋会清楚得过我阿妈，你会清楚得过我？我都话我有人证，证明我阿妈唔钟意，冇认过佢。同埋佢哋结婚冇预过我阿妈，我谂事实摆喺大家面前，唔系剩系冇请我阿妈同我，系所有亲朋戚友都冇，我谂呢一样嘢你点去洗白呢 ？咁同埋我妈而家已经 passaway你呢啲死无对证嘅讲法好唔公平。”

被指不公平　李泳汉反击：唔好焫我

记者追问表示两边都好不公平。李泳汉沉住气：“对边唔公平？”记者再指出对弟弟及弟媳不公平。李泳汉表示：“系咩，咁你唔好焫我啦，讲呢啲焫我真系冇用。”记者提到弟媳连送最后一程都被拒，李泳汉表示：“我谂我又答咗你好多次，我阿妈不嬲冇认过佢，唔系佢死之后嘅事，佢22年结婚系咪？（记者再追问指弟媳未有披麻带孝，连个鞠躬都唔俾？）咁佢系咪喺门口鞠咗躬，咁咪系啰，鞠咗啦嘛，咁你问咩呢？”

母亲离世太突然　未见最后一面成遗憾

李泳汉透露母亲离世事出突然，未能见母亲最后一面感遗憾：“其实阿妈走得好突然，根本我都冇听到佢讲过乜，佢都冇同我讲过啲乜，就系咁啊。”李泳汉又提到十分担心父亲健康问题：“我啱啱冇咗阿妈，我唔想冇埋个老窦，因为我会觉得好 Lonely，呢两日我已经觉得好 Lonely。”