吴若希（Jinny）日前（4月26日）为新节目《夫妻肺片》录影，节目中担任“婚姻求生教练”，分享与另一半的相处之道。“我系负责试雷，将啲唔好嘅嘢爆晒出嚟。例如咩环节男仔会嬲，女仔会嬲，令到佢哋爆晒出嚟。”

获专家教路“今晚返去试吓”

记者言，她是这一方面的专家，吴若希直言不讳：“冇错，所以今次我喺节目将话题攞出嚟倾之余我都学到好多嘢，因为个节目有好多婚姻专家，两性嘅专家，亦有注册心理学家。（可能你先系最需要婚姻专家嘅人）系啦，我哋今次好犀利，将个语气同眼神微调。（有冇尝试一下？）今日先学，今晚返去试吓。”

激心日常大公开！老公深夜狂欢搞到朝早唔凑仔？

她举了一个最近的例子：“婚姻之间有好多好湿碎嘅事，例如佢应承车个仔，但系冇车𠮶啲。（佢𠮶时做紧乜？瞓紧觉？）哦，朝头早系瞓紧觉，因为夜晚好夜瞓。咁好夜瞓原因系乜？因为佢夜夜都同啲女仔做直播。”

霸气展现“放牧式”御夫术：有出轨证据直接Send畀我！

同女仔做直播？马上就勾起了兴趣！到底是什么回事？她续说：“同好多唔同啲女仔做直播。（系咩人？）唔识㗎，系呀。（点解可以咁？）我都唔知呀，我唔系好理佢。（咩类型直播，卖产品？）冇呀，斋倾偈。（算唔算情感上出轨？）er⋯⋯我又唔觉嘅，因为我唔系好理佢，总之搞掂晒屋企嘅嘢就可以啦。（对何生采用放牧式照顾？）系呀，但系如果佢真系要出轨，都系𠮶句啦，希望你哋见到，唔系话畀我听，系影到张相！提供证据。（跟住？）跟住send畀我，收到之后就处理㗎啦。（直接行动？）应该系啦。都系𠮶句，我好冷静，好支持佢觅寻真爱。”