六合彩2.28亿元金多宝将于5月2日搅珠，是次六合彩金多宝头奖一注独得奖金为2.28亿港元，亦是史上最高！“发返个横财梦！”或许是个不错的小娱乐。麦玲玲师傅日前（4月26日）为TVB节目《夫妻肺片》录影，她接受《香港01》访问时，从玄学财运角度，分析买六合彩秘技，有兴趣的朋友不妨参考一二。

偏财命天注定？ 日常抽奖打牌见真章

麦玲玲师傅接受《香港01》访问时说：“好多人都有个横财梦，但系有冇横要睇返个样，真系注定，有啲人有偏财命当然易好多，有冇偏财系感受到，第一例如投机炒卖得唔得，打麻将得唔得，平时少赌又得唔得，有啲人系成世都赢唔到，平时抽奖、排队得唔得，入咪表位得唔得，呢啲都偏财。”

幸运儿总能揾到“咪表位” 正偏财运难兼得

入咪表都算？麦玲玲师傅回答：“系㗎，我由细到大揸车𠮶时从来都揾唔到表位。有啲人永远都揾到表位，有啲排队永远都俾人卡住。当然每个人都唔同，但系当你知道自己有偏财，系可以进取少少嘅，如果唔系就踏实啲。”她又解释，偏财和正财很多时并不会兼得。

家居正北位布置旺偏财

讲到六合彩2.28亿元金多宝，她说：“喺5月2日呢日就叫丙子日，丙子日呢日冲属马，冲属马嘅话，属马就买啲偏啲号码会着数少少，𠮶日同牛系合嘅，牛、龙、猴呢啲可以买热门啲号码。通常每年屋企都会有布置，今年嚟讲，喺正北偏财会OK，然后东南位都放啲植物，金色嘅嘢可以催旺一下，对偏财有帮助。”

常言道，买彩票的投注站也有关系。麦玲玲师傅也说：“就系咁啱投注站正面有掘路，整紧嘢或者维修，咁就最好，因为会有个动土煞，咁𠮶度就会派钱啦，仲有斜路，所以中环𠮶间永远都咁多人排队。如果𠮶度又掘路，咁就天下无敌啦，对嚟买嘅人有着数。（投注站所处方位有影响？）咁又冇一定，揾啲动紧土，或者斜路，𠮶啲系容易派钱啲。”

那么，用手机app买六合彩又如何？她回答：“我觉得重要嘅app摆返喺偏财位，正北系啱嘅，如果银行app就摆去东南位，如果马会呢啲app就摆喺正北位，就有利嘅。”