4月30日是人气男团MIRROR成员姜涛的27岁生日，大批“姜糖”（姜涛粉丝暱称）为偶像举行盛大生日应援活动。由于姜涛自细在铜锣湾居住，姜糖都会在铜锣湾应援，包括重金租下多个大型广告牌、更举办“免费电车乘车日”，邀请全港市民免费乘坐电车。姜涛生日当天聚集千多名姜糖，再令铜锣湾变成“姜涛湾”，场面非常墟冚。

名厨Jacky Yu发文闹爆姜糖“集体撞邪”

不过姜涛生日的年度盛事引起两极评价，HoyTV节目《煮题Cook》主持兼名厨Jacky Yu余健志对此感到反感，更在社交平台发文怒轰：“CXS！你班友真系有病！集体撞邪！香港人啲品味去咗边度？！条路唔系你屋企呀！考虑下其他道路使用者好唔好？！”更认为粉丝的做法严重影响其他道路使用者。

Jacky炮轰粉丝影响其他道路使用者

Jacky Yu余健志其后再补充庆祝当然冇问题，但不能接受大批粉丝们站在马路前，大声叫嚣及举牌，不让其他人行，认为此举完全阻塞行人路，为此感到愤怒和无奈：“点解啲人唔为人哋谂吓，庆祝当然、绝对可以，无人可以阻住你哋添，但系，喺崇光门口，人来人往嘅马路口，我同好多路人一样，只系喺度行我嘅街，要过马路，但成堆人企晒喺前面，大声叫嚷，举晒牌，又嘈又嗨又唔俾人行，完全唔理会后面，要行嘅行人同路面安全，而咁样都觉得无问题？啲外国人会唔会觉得，乜啲香港人咁奇怪同自私呢？仲有人留言话“你可以唔去，但唔可以阻止我庆祝”！哈啰。。议事论事，如果𠮶度系你屋企，私人地方，你做乜嘢都无人理你，但𠮶度系铜锣湾，铜锣湾呀，系属于香港架！全香港人同全世界嘅人都可以去，系随时、钟意几时都可以去！好多人有时都会投诉某部份游客一啲唔文明、破坏秩序、影响市容同乞人憎嘅行为，大家自己问心喇！喺公众地方甘样做啱唔啱先，系咪会令真正嘅道路使用者觉得讨厌先！我好少喺个人平台发表啲负面情绪，但今日所遇到嘅感受，真系令人好激气同无奈！”

疑似“姜糖”踩余健志厨艺

帖文随即引发不少网民认同，并指已经有数天避开不敢去铜锣湾，亦有人指公众地方的秩序应被尊重，更大赞余健志敢言。不过，亦有疑似“姜糖”留言反击，指余健志作为公众人物言论过激，更攻击其厨艺：“好似个厨师煮嘢食好似屎咁难食，但惨得过有班客觉得系美食一样。”对此，余健志则冷静回应，表示粉丝支持偶像是个人喜好，但大前提是不影响他人。