电视广播有限公司（TVB）助理总经理（艺员管理及发展）乐易玲今日（4/5）现身《2026香港小姐竞选》全球招募记者会。面对外界对新一届赛制的关注，以及近期关于“选美合约”可能引发参选者不满的传闻，乐易玲在接受《香港01》访时逐一作出回应。

杜绝KOL“打卡”式参选：更看重个人美貌

针对近年有不少KOL或网红透过参选，被质疑仅是为了“打卡”或增加名气，而非真心想在娱乐圈发展，乐易玲表示：“喺我哋第一次睇参赛者𠮶啲 video同相，我哋真系睇佢嘅美貌，其他嘅嘢我哋真系唔会谂咁多，其实而家新媒体都好发达，佢哋好想好有兴趣想嚟知道参加睇下有冇机会，我都觉得无可厚非嘅。”

回应“选美合约”：不担心集体退选

对于有传言指“选美合约”条款严苛，可能导致佳丽集体退选。对此，乐易玲态度淡定，强调合约内容多年来基本一致：“我哋咁多年都系签紧同一份嘅合约，我哋嘅合约叫做‘参选合约’，我哋嘅合约里面一定有一样，就系喺我哋第一年，系唔可以参加另外一啲同类型嘅活动，即系选美活动，就系呢样嘢啫。（惊唔惊又引发集体退选？）我哋都未曾惊过，哈哈，唔会有集体退选嘅，我觉得呢每一个想参加或者对娱乐圈，又或者对选美有兴趣嘅佳丽，我觉得每一位都系为自己将来嘅前途谂，唔会我要特登同你一齐，我哋唔做啦。我唔觉得啰，我觉得个个都系睇到佢哋嘅斗心，个个都系为自己将来，佢哋自己向前行一步，去敢于挑战去做到最完美嘅。”