肥妈发火怒轰李泳汉“系咪人嚟？” 开腔证鼎爷养仔：佢未停过！
撰文： 林迅景
出版：更新：
李家鼎、李泳汉、李泳豪纠纷事件愈演愈烈。肥妈（Mariam Maria Cordero）今日（5月9日）出席《中年好声音4》活动。她接受《香港01》访问时，提起李家鼎（鼎爷）时她相当感触，更激动大闹李泳汉。
讲起李泳汉，肥妈就好劳气。（叶志明 摄）
心痛老友暴瘦 劝勉“儿孙自有儿孙福”
问到肥妈可有留意李家鼎的新闻︰“梗系有啦，佢好瘦好阴功。其实施明未走嘅时候我哋都通过电话，佢好担心施明，同我讲电话讲到喊。我知佢养咗佢好耐，我话养大啲仔女，儿孙自有儿孙福，帮得就帮，冇理由揽晒上身。”
李家鼎拒办80大寿︰想低调度过。（资料图片/叶志明 摄）
踢爆鼎爷长年接济儿孙 叹老人家难放手
鼎爷一直养泳汉，肥妈是否知情？她回答：“一路都知！好耐啦，总言之我同佢做《肥妈李鼎》（2023年节目），佢养紧啲孙又帮紧啲仔，佢未停过。”鼎爷有没有透露被儿子问攞钱？肥妈回答︰“佢唔会㗎，我哋知。我哋同佢讲唔好孭晒啲嘢上身，放手啦。佢就话：‘唉，好难嘅。’”
讲起李泳汉，肥妈就好劳气。（叶志明 摄）
李泳汉今日不会出来接受访问。（叶志明摄）
狂轰李泳汉录音内容 怒斥︰系咪人嚟㗎？
提到早前传出的WhatsApp对话录音，肥妈更替鼎爷不值。“个WhatsApp讲，我45岁揾咩做呀？大佬，我6年班未毕业（编按︰高中未毕业），系你唔做啫。香港都揾唔到嘢做，我都唔做啦，伸吓手就有，仲要闹佢，我攞个屋契去按。呢啲嘢点讲得？！咁嘅说话，系咪人嚟㗎？”
戥鼎爷挨更抵夜不值
肥妈续说：“唔系净系我，你哋听到都觉得离谱呢？我唔信香港有一个人唔觉得佢离谱。”会否和李泳汉“倾吓”？肥妈回答：“有乜好倾呀？！呢啲人根本唔需要同佢倾，根本唔系同一个范畴，根本唔需要睬佢。肥妈又表示，戥鼎爷辛苦，又说：“一个老人家食得几多？点解要挨咁辛苦啫。我哋打工就觉得好玩，佢就真系挨，放手啦，大佬！”
肥妈叹，叫李家鼎放手唔好做到咁辛苦。（叶志明 摄）
肥妈出席《中年好声音4》活动。（叶志明 摄）
肥妈出席《中年好声音4》活动。（叶志明 摄）