卢惠光曾在泰拳界声名大振，更是80年代香港拳王，当年被发掘进军演艺圈后参演过不少电影，成为一位武打影星，更在1989年当上成家班的龙虎武师，与成龙合作无间。不过卢惠光在2009年拍完《新宿事件》后被解雇，有传当时仅获10万元遣散费，令失业失婚又要照顾两子的他生活艰难，因而传出二人交恶。

“我真系几憎成龙”

卢惠光日前在内地社交平台抖音拍片，讲解他与成龙的关系，劈头第一句就说：“当时我拍《醉拳》𠮶阵时，我真系几憎成龙。”令不少网民觉得卢惠光要大爆当时与成龙的恩怨。

摆一字马成功被成龙睇中

卢惠光续指，起初拍《醉拳2》时，他并不是大反派角色：“其实《醉拳2》好奇怪嘅，之前我唔系做呢个角色嘅。我是做另外一个角色，系反派嘅伙计，即系小弟啰。因为我哋每日返去嘉禾片场拍戏，等大哥埋位又好，点都好，我都一字马咁摆喺楼梯𠮶度。”卢惠光表示自己一摆就摆半个钟，无论做甚么都好，对脚永远维持“拉腿”姿势，最后终于被成龙大哥睇中。卢惠光忆述：“有一日食完饭之后，突然间成龙大哥就话：‘喂不如咁啦，你做大反派，我畀机会你。你在两个礼拜之内，将个一字马摆过天空（头上）！’”他当时听到即刻呆咗：“唔系啩大哥？”但大哥反问他一句：“咁你做唔做呀？”卢惠光笑住话：“肯定做啦！然后我就返去苦练，苦到自己喊啊，大佬！”

成龙被火烧到甩皮

除了一字马经典画面，卢惠光亦有提及到《醉拳2》最后那一场工厂大战，他要把成龙成龙踢落火堆，卢惠光强调：“𠮶场火啊，系真火嚟㗎！系三百几度啊，好大火！”为了安全，临拍之前一分钟，工作人员会撒满盐去降温，因为现场实在太热。卢惠光补充：“一撒完盐之后，我就踢大哥落去。我谂 NG 咗十几次啦！最后成龙大哥被拉出嚟嘅时候，只手已经烧伤晒，仲要甩皮，烫得好紧要，所以要擦好多药。每一次拍戏都系咁，你话睇成龙大哥啲戏，系咪值得睇先？”虽然最后片段未有解释卢惠光为何说出“我真系几憎成龙”，不过看完这条片，也可以看看出卢惠光是存著感恩与敬佩之心，就算当年有多少恩怨，卢惠光亦已经释怀。

卢惠光与成龙曾志伟约饭局不醉无归

其实在上年，卢惠光就与成龙、曾志伟及林国斌等聚会，更相谈甚欢！卢惠光当时晒出合照，并写道：“一个晚上！一个饭局！不醉无归！”相中所见，众人难得相聚，成龙搭住曾志伟膊头，而站在后排的卢惠光就双手举拇指，心情大靓！

曾传被炒鱿仅获10万一度交恶

1987年卢惠光在成家班成员冯克安引荐下，当上成龙的保镳，并参与电影演出，两人共事多年，但2009年却爆出被“炒鱿鱼”，不过卢惠光曾在接受访问时澄清：“又唔可以讲‘炒鱿鱼’，呢度要澄清系解散。𠮶时可以讲系人生低潮，直头低到系黐地下，全部嘢一齐嚟，记住有时人遇到唔愉快或当黑，系会一齐嚟，供楼、读书又要交学费，银行供楼要几万蚊息，点供？打开银行簿剩番好似够一半供楼，就喺𠮶时佢（杨绍鸿）叫我入亚视拍两部剧，收咗张20几万支票，解决咗好多嘢。（被人“解散”很无奈？）因为当时搞离婚，公司又上晒北京，佢（指成龙）有问我跟唔跟佢上北京，我第一句乜都冇谂就话唔上，我要睇住两个仔，话我上咗去两个仔冇人睇，唔上就冇嘢讲，就揾人倾解散，冇咩特别，又唔系话炒你鱿鱼。”双方并无交恶！