林盛斌（Bob）的大女林霏儿（Faye）及次女林熹儿（Haye）上月底前出席电影首映礼，应传媒要求企定定摆甫士影相，表现大方，不过有网民看到照片及影片后，就留言人身攻击年仅17岁的Faye，批评其外型，而阿Bob亦相当心痛，叫网民高擡贵手：“如果大家真系有咩不满，或者想发泄，可以将火力对准我。因为我系艺人，呢啲系我工作嘅一部分，我已经习惯咗，但小朋友系无辜嘅，佢哋唔系呢个圈嘅人嚟，希望大家能够俾一啲空间佢哋，同埋边个人见到自己亲人或者心爱嘅人被攻击会开心？我只系希望大家可以将焦点放返喺我身上。”

但幸好，Faye的心脏比想像中强大，Bob透露：“大女仲同我讲佢呢几日同妈咪去韩国毕业旅行玩得很开心，似乎冇被评论影响。我一直都有教佢哋，喺呢个行业有赞美自然就有批评，最重要系我哋要在乎边一啲爱我哋，真正在乎我哋嘅人。”Faye近日不但拍片鼓励其他女生，还大方回应网民的评论，哪怕有人嘲她是“坦克”，她也正面迎击。

Faye在片段中向各位女孩们喊话，表示每个女孩都是钻石：“Hi everyone, it’s your girl Faye! Welcome back to girls’ talk，Girl，你！系一粒钻石！钻石系睇唔到自己发紧光，你亦都可能睇唔到自己其实系咁靓，其实系咁有才华，其实系咁闪耀。我哋成日净系睇到啲人讲或者，𪠳，唔得嘅你？𪠳，你咁嘅？你咁肥嘅？你咁样衰嘅？你咁咩……同时会我哋作为一粒钻石，我哋都要好似钻石咁坚硬，你会唔会见到粒钻石喺咁多人批评之后边样衰？No！It’s still so beautiful, so luxurious and so rare! And girl你都系，比一啲人批评之后，你都仲系咁靓！ you are diamond and I love you so so much. ”

有网民转发其片段，指觉得Faye靓女，认为“靓”没有一个标准，女孩不应被社会所讲规范去PUA，而且很多有肉地的女孩都很有市场，Faye就亲自回应：“多谢你 ❤️！我谂我主要想宣扬嘅 并唔系比较 亦都唔系话比较‘肥’嘅女仔都可以有‘市场’ 而系简单提醒每个女仔都系美丽的！❤️”她发放正能量宣言，即使面对网民挑机，指她自我催眠，她也说：“世界唔会迎合单一标准 但每个人都值得被看见”认为要多点欣赏别人，“若然你冇收到我想讲嘅 都冇问题㗎 但系我呢一啲片 有令好多女仔开心 其实我觉得已经足够～”

甚至当有网民说：“做架坦克应该都可以行军打仗”，Faye仍大方回应：“关咩事 😂 你得到我注意啦 希望你之后可以开心啲 发掘吓自己生命嘅意义 我内心比你想像中强大”有网民安慰她，希望她不要被打击到，她还反过来叫对方不用担心，强调“就系因为有你哋继续欣赏我/钟意我 我先唔会俾啲尘埃打击到（*＾3＾） I hope at least some girls will be affected and be happier because of my stupid videos !! 💕”有网民转发Faye之前分享自己价值观的帖文，指阿Bob和太太好识教女，Faye也不否认：“妈咪教得好好 爸爸都教得好好 教嘅嘢都唔同～”