经典长剧《爱回家之开心速递》宣布停播在即 ，艺人李芷晴虽然依依不舍，日前仍出席泠动，亲身到特殊学校教授艺术相关课程，望透过活动为学生提供多元的创作机会 ：“我第一次教授特殊学校嘅学生，所以事前都要做足功课，尽量了解多啲学生嘅程度同埋需要，好开心校长畀我事前去观课，发现学生嘅创造力以及能力非常之高！其实小朋友有阵时难免会发一啲小脾气，但系佢哋都好易氹，好容易可以转换到情绪，反而教学嘅时候可以感受到佢哋可爱嘅地方。”

拍剧教学乐苦参半

虽然剧集停播在即，李芷晴忙于剧集拍摄工作，亦筹备紧嚟紧教班嘅教材：“最近都依然系忙紧《爱回家》嘅拍摄啦，亦都筹备紧嚟紧教班嘅教材！我觉得两份工作真系好唔同，做演员可能除咗要熟读剧本、磨练演技同埋临场嘅应变，仲可能需要接受大众嘅评价。而老师就要好好照顾学生，准备好教材，而且一样会有好多唔同嘅突发状况，所以我觉得系各有各嘅难处，但系亦都会各有各开心嘅地方。”

曾因《女神配对计划》负评感到不快

贵为女神的李芷晴“华丽转身”做老师 ，势必深受“爸爸”欢迎亲身接送返学 ：“哈哈！咁又唔会嘅 ，不过以前教画嘅时候我嘅衣著打扮都会尽量朴素啲、斯文啲 ，符合返一个教师嘅感觉 ，最重要系受学生嘅欢迎，以前啲学生见到我都好开心 ，会好钟意同我上堂 。”早前参加《女神配对计划》而被网民批评，李芷晴表示都曾为评论感到不快：“其实我自己本身都唔系咁硬净，我觉得系训练出嚟嘅，特别系经历过之前嘅真人show，都有试过因为大家嘅评论而唔开心 ，但系而家就会分析大家嘅意见 ，到底系理性嘅建议定系纯粹想宣泄一啲自己嘅情绪 ，如果理性嘅建议我都一样会好虚心咁接纳 ，但系如果对方纯粹想宣泄情绪 ，咁我都尽量唔会俾佢影响到 。总有人钟意自己、讨厌自己 ，所以都唔可以太执着 。”

想揾焦浩轩一齐做义工

呢次李芷晴做义工教艺术 ，佢就话想邀请最强CP焦浩轩帮忙 ，但未知对方档期安排 ：“带埋焦仔去做义工都好㖞 ，等我安排下先呢个系一个 good idea ，等我问下佢有冇兴趣同时间一齐去先 。我都希望自己嘅另一半系有爱心同埋耐性会高啲 ，如果大家一样都咁有爱心 ，咁可能会有更加多嘅共同话题 ，最紧要系大家嘅价值观都吻合 。”