梁敏巧否认“收兵”！ 亲解与阿Matt情断内幕：了解太耐伤元气！
梁敏巧日前出席《女神配对计划2》10位“求爱勇者”露面记者会，原来梁敏巧已由上辑“女神”参加者升Lv成为“花生团”之一。梁敏巧接受《香港01》访问，她透露与今辑“女神”陈若思份属朋友：“我由一个闺蜜角度去帮女仔物色。”
梁敏巧升Lv做《女神配对计划2》“花生团”。（林迅景 摄）
爆好姊妹拣偶条件：讲Feel行先唔贪钱！
她透露，陈若思拣男朋友大多是“讲feel”：“佢自己都讲唔清楚，初步睇我觉得‘兔仔’几啱佢，有少少怕丑，比较pure啲，应该有啲火花。（其他？有个收入好高）Amber同我倾偈，佢从来都冇提过要有钱，佢系感觉行先。（广州𠮶位？）我惊佢handle唔到，佢人知识型。”
《女神配对计划2》10位“求爱勇者”率先露面。（林迅景 摄）
宣布与阿Matt做回朋友 揭“婚”歧导火线
讲完一众新的“求爱勇者”，梁敏巧和阿Matt又发展得如何？她透露已和阿Matt回归朋友关系。“我哋沟通咗都好一段时间，我觉得我哋太过成熟同理智。我哋好坦诚咁去沟通⋯⋯（咩程度？）有啲咩得同唔得就讲，因为我哋两个都系以结婚为前题，都会讲得好深入，讲到关于未来睇法就有分歧，例如系未来嘅重要先后次序。（佢唔钟意你性感？）又冇唔钟意，好多detail位唔知点讲。”
有“求爱勇者”现场骚肌。（林迅景 摄）
梁敏巧否认“收兵”。(资料图片/张嘉敏摄)
否认“收兵”传闻 叹感情触礁极伤元气暂休战
梁敏巧续说：“做唔到情侣，但系可以做朋友。做唔成唔一定要反面，大家都好友好。大家有需要帮手都要出声。（有人话你收兵？）之前𠮶张相，系一个粉丝送亦唔系阿Matt送，的确会令人误会，其实大家步伐同共识都好一致。如果我真系收兵，佢咁醒又咁理智，佢一定会走。（开放追求者？）好攰，另外休息阵先啦。我唔知大家明唔明，有一段关系了解咗咁耐最尾唔成事，真系伤元气。”