杨思琦近日因旧爱李泳豪的家族风波，意外于分手挨闹15年后获平反。她日前出席伍咏薇（伍姑娘）及李凯贤（Brian）主持的HOY节目《九运会客室》时，被伍姑娘大爆料，指思琦当年拍剧时被前辈带头欺凌，日日开工被“一围人”恰，例如前辈会大声对空气说话“𠮶啲唔知咩人嚟㗎！捞咗咁多年，啲灯又遮住我块面，都唔知点㗎！”明闹杨思琦阻住灯光，请其他演员吃甜品时，又会故意当睇唔到杨思琦等等，逼得她哑忍多次后终于爆煲，大叫及冲出片场爆喊，而当她在节目上见伍姑娘重演当年欺凌者的嘴脸时，更不禁落泪。

《无名天使3D》不和传闻被翻炒　回应：有咩唔开心掟咗佢啦

随着被欺凌事件发酵，连带近日无线重播《无名天使3D》，也令当年盛传她被同剧女主角佘诗曼、郭羡妮欺负的传言被翻炒，有指佘诗曼在拍外景时大方“万岁”，当杨思琦上前想拿取时，竟遭到现场工作人员当众奚落：“今次唔畀钱就唔好饮！”令她委屈得当场眼眶泛红。虽然佘诗曼事后澄清指当时天气高达30多度，连她自己都热到“眼红红”并坚决否认针对，但事件当时甚至惊动了TVB高层曾励珍。杨思琦今日（24日）出席汽车品牌活动，被问到拍《无名天使3D》时有否被欺负，她先表示：“我好开心呢套戏可以重播，你知唔知我有好多内地影迷，或者有香港影迷认识我，都系靠呢套戏，又有得重播，大家又可以讨论返𠮶时嘅剧情，我觉得好难得，咁多套剧轮到佢可以播第二次，系咪实属难得？所以你哋话以往有咩经历，唔开心，掟咗佢啦，大家睇吓呢台戏先。”

否认因贪心攞拜神猪头骨回家：唔识煮嘢攞嚟做咩？鲠自己？

她于访问中提到自己凭《无名天使3D》攞过“飞跃进步女演员”奖，力证有演技，不是“戏屎”成为为针对目标，强调“戏屎就唔会攞到奖！”至于“万岁”事件，思琦表示很想澄清自己非网上有人形容般贪心、贪小便宜，她说：“即系话拜神𠮶啲咩猪头骨攞返屋企咁样，一路以嚟畀咗‘贪心’依两个字我，我想话俾大家听，𠮶啲唔系我主动话要攞，你明唔明白？系有人提出话要去攞，净系发生过一次！所以唔好讲足一世，好唔好？唔系因为贪心，而当时嘅我，我都唔识煮嘢食，我攞返去做乜嘢呀？攞咗猪头骨做咩呀，鲠自己？唔好再讲，网上面有好多fact check都系好差，人哋讲咩就接住另一啖口水，唔好咁差啰！”

否认觊觎隔篱厂万岁食物：话我好似老鼠咁喺门口等住，我冇做过！

杨思琦指自己留意到有人说她很贪心，不止攞拜神猪肉，更觊觎其他录影厂的食物，她亦同时澄清：“话人哋隔篱厂万岁都流晒口水喺外面‘睺住’，好似老鼠咁样等住，喺门口，我都冇做过呢啲嘢！人哋万岁啲嘢喺我哋个厂，我都唔得闲去食，仲要隔篱厂万岁关我咩事？边只眼见到？系边个人讲先？好希望边个人讲出嚟你认咗佢，我绝对冇做过呢样嘢，唔知道点解一个事情会发生到好多嘅故事。”最后，谈到近日旧爱李泳豪宣布与李家鼎拍YouTube，她会否支持或订阅，她简短回应：“你想我有咩回应？我都唔知，我都唔知回应咩。”