周国贤、曾傲棐（Arvin）、何洛瑶（Sica）、吴启洋（Phoebus）、曾比特、李晞彤（Carina）分别到访圣母书院、西贡崇真天主教学校及圣文德书院，与同学们分享他们的梦想之旅。周国贤因为电影《捉鬼敢死队》想做“敢死队”、医生及画家，后来才当上歌手：“细个试过用六本单行簿，画咗自己嘅漫画出嚟，真系会有同学传阅，仲有其他同学都画佢哋自己嘅漫画，但系有日我妈妈发现咗，第二日𠮶啲漫画就冇晒，我都好沮丧，后来发现音乐都好好玩，初初学音乐仲激到爸爸妈妈扎扎跳，哈哈。”他透露入行前写歌很纯粹，但成为歌手后亦曾经有迷惘：“𠮶时有人叫我要写‘中’嘅歌，我真系唔识，最后我发现都系要做自己钟意嘅嘢。”他强调“行咗先”，做下去其他问题自然会迎刃而解。

曾傲棐街头献唱被当乞丐掟毫子

Arvin笑谓自己从未有“我的志愿”：“我记得细个老师问我大个想做乜，我净系会谂自己读到咩同做到咩，不过最好就梗系唔使做啦，想做歌手都系中学毕业后嘅事。”未正式入行前，在街头献唱的他受过不少无礼对待：“会畀人当系乞丐，有时啲人会掟一、两毫子畀我，𠮶阵我就决定‘要企上正式舞台，用表演嚟证明自己’！”Arvin表示梦想与职业之间，多了一份责任，要开放自己接纳别人的意见，又寄语同学们：“做自己钟意嘅嘢唔会觉得辛苦，你会有种幸福感。”

何洛瑶因姜涛获家人支持做歌手

Sica自言非常幸运：“我妈咪好钟意姜涛老师，所以佢好支持我。其实唔止歌手，而家睇Threads，好多人都会指指点点，我觉得最紧要够钟意，咁就唔觉得辛苦，遇到评击，我会听歌安慰自己，然后继续勇往直前。”她谓自己是个不怕做错的人，但总会有“沙石”：“每次都抱住1000分嘅心态去做，但系有时就系会错，错咪错啰，放低佢，下次再做好佢！”她笑言做School Tour感觉特别青春：“见到台下啲同学撞嚟撞去，我就好挂住读书𠮶阵嘅自己。”同场的Phoebus表示曾经想做职业运动员，庆幸自己有“大心脏”：“我𠮶时打手球，到毕业𠮶时就知道自己要揾家用，后来就做咗歌手。我觉得最紧要自己钟意，好似而家唱歌、拍嘢，我都会不停咁钻研，就算再无天份，只要你花嘅时间够多，就一定得。”

李晞彤感恩女团队友陪伴

曾比特儿时曾梦想做消防员，而Carina想过做YouTuber，两人最后成为歌手，但曾比特表示：“我有问过自己适唔适合做歌手，我觉得要畀啲时间自己去适应，去感受吓自己行紧咩方向。”他笑言入行后才明白唱歌叻不是重点：“最紧要识做访问，因为你喺台上唱歌嘅时间好少，所以做歌手最紧要识讲嘢，因为我入行时都算内向，有时讲句嘢都好紧张，呢个系同想像中最大嘅差别。”Carina感谢自己加入了女团，有队友陪伴并肩作战：“我觉得自律好紧要，但系我女团出身，觉得有同伴最重要，有时可能做做吓冇咁有热情，呢个时候有队友撑住好紧要。”她又鼓励有多样兴趣的同学，不妨尝试做Slasher（斜杆族）：“揾两、三样自己钟意嘅嘢，然后坚持。”