“国民初恋”姚焯菲（Chantel）近日趁住学校假期，由美国纽约短暂回港过暑假，她今次趁著8月底回美国返学前的空档，马不停蹄出席各项公开活动。姚焯菲昨日（3日）接受《香港01》访问时除了大谈在外国留学的自由生活，更真情流露表示极度渴望重返《爱·回家之开心速递》剧组，更谈及与昔日同剧演员重聚时更一度“眼湿湿”。当然大家最关心的，绝对是她与绯闻男友Ryan的关系。

挂念《爱回家》心切　见昔日拍档激动“眼湿湿”

处境剧《爱回家》即将迎来大结局，曾经在剧中饰演“金城安表妹”的姚焯菲坦言，至今仍未收到剧组通知邀请她回去客串，但她心底里其实极度渴望能与大家“大团圆”。姚焯菲认真地说：“其实我都好想入去，再真系团一团聚先。同埋我有啲唔开心嘅就系好似自己系一份子，好似一个屋企突然之间唔见咗咁样，咁所以都好想返去团聚。”她更透露本来想找监制倾倾，可惜对方不在。对于有指新的处境剧她都会出现，她指自己都有看到新闻：“但系我未收到通知，所以应该唔系真嘅！不过我都要再问下先。”

姚焯菲被问到回来后有否见过《爱回家》的拍档时，她表示早前见到了“二表姨”同“公公”等人，大家虽然只是寒暄了两句，但已经百感交集：“咁我哋都冇多讲好多说话，我哋就系好唔舍得咁样揽住，我哋都冇讲啲乜嘢。因为大家都明白，即系个心情系有啲复杂嘅，即系会觉得有缘，但系又好开心可以见返大家咁。（𠮶一下有冇喊啊？）眼湿湿㗎啦，我哋全部都眼湿湿㗎啦𠮶一下！”

享受美国“贴地”生活　零夜生活拒绝性感

谈到在美国的留学生活，姚焯菲笑言十分开心，每个星期都有不同的活动，例如去新开的舖头或者参加狗狗聚会。她坦言当地的生活空间比香港自由得多：“我觉得个空气就好好多嘅，就我觉得呢个系已经系相差好大。因为喺𠮶边呢，我系成日都可以出街行，即系著件外套就可以行街，跟住喺香港系完全做唔到呢样嘢。我喺𠮶边可能行二十分钟三十分钟都冇问题，但喺香港大家都知咩事㗎啦。”

至于去了外国会否“鬼妹仔”上身，多了去Party或者打扮性感？姚焯菲即刻耍手拧头：“我想讲我系好少出夜街，我真系好少好少出夜街，因为都比较危险，所以我都有啲惊嘅。（去到外国会否变得比较性感？）我又觉得冇㖞，因为我都系带返香港啲衫去𠮶边著，所以我都冇特别变咗啲乜嘢。”

亲解与Ryan“恋情”：老师做媒人变闺密

至于大家最想知姚焯菲的感情生活，早前被指与同在美国留学的李克勤儿子Ryan过从甚密，更有指二人正在拍拖。对此姚焯菲大方解画，澄清二人只是“好闺密”关系：“我同Ryan其实系好好嘅朋友嚟嘅！咁我都好开心可以认识到佢，就系喺学校，咁我哋有时唔开心都会倾诉，因为我第一次去嘅时候，咩香港人都冇啊，咩香港人都唔识，咁佢系我第一个香港嘅朋友。”

原来二人能够相识，全靠学校老师穿针引线！姚焯菲笑住爆料：“𠮶阵时我哋喺香港识嘅，经过一个Common嘅老师就识咗。因为我哋都系用同一个老师，佢就介绍咗我识。系啊！闺密（笑）。”看来Ryan在姚焯菲心目中，是一个能够倾诉心事的好知己。