日前，Facebook 社群“将军澳主场”流传一则有关公众卫生与宠物友善边界的热议事件。有街坊目击一名男狗主携同爱犬进入连锁餐厅，因外卖进度及宠物进店问题与职员发生争执，事件随即引来大批网民炮轰，直指该狗主自私、罔顾他人感受。据悉，事发当时该名男狗主看见店内的点餐显示板已显示其外卖号码，遂带同爱犬入内准备取餐。然而，当他上前询问时，却发现外卖实际上尚未准备妥当，经理随后礼貌劝阻其带狗进店，却反被要求退单。

事件曝光后，网民近乎一面倒谴责该名狗主，批评他缺乏公德心：“我自己都有养狗，都明白有人对狗只毛有敏感，所以唔会咁做啰！”“唔该，唔好成日觉得自己嘅狗系最好、最得意啦，实有人钟意㗎？”

今日（4/6）向来热爱动物的艺人陈庭欣（Toby）出席《仁济 x 净录慈善哥尔夫球赛》时，亦有就事件接受《香港01》访问时表态。作为两只爱犬主人的她，坦言自己也曾遇过类似的不愉快经历，但认为这一切都应从狗主的自身教育与公民意识做起。

曾遇餐厅不愉快经历 Toby分享“顾人感受”驭犬心得

谈到有狗主因带宠物进餐厅而引发争议，陈庭欣表示非常理解社会上有些市民对动物会产生抗拒或恐惧：“我自己都有试过类似不愉快经历，都好唔开心。但我记得我去𠮶间餐厅系宠物友善餐厅，佢已经划分好，可能坐喺玻璃门外嘅就系狗狗，坐喺玻璃门入面就真系唔俾带狗朋友。咁我很肯定自己系坐喺玻璃门外。”

Toby强调，作为负责任的狗主，在外出时必须时刻留意细节以防滋扰到旁人：“我们做狗主嘅，都会知道去到呢啲地方，条狗绳要缩到最短。我知道我只狗好八卦想周围望，所以我通常会将条绳缩到最短，同埋自己揾个位置坐住条绳，确保只狗嘅力唔会拉走得到我，而走咗出去骚扰人。”

她回忆起自己曾遇过的一宗投诉事件，当时一对夫妇坐在餐厅最里面的位置，并向侍应投诉其爱犬“走咗入去”。Toby无奈表示：“但真系无咁嘅事，因为我坐住条绳，肯定无可能佢会走得入去，可能对方好紧张啦。咁佢变咗投诉，我都会即刻问：‘请问系边个朋友投诉？’我都想解释返畀佢听，个情况我系喺条界外面。”Toby续说：“我都明嘅，有啲人真系好怕小动物，所以其实一定要包容同共融。但我觉应该要由做主人、做狗主开始。”

谈麦当劳风波：应尊重餐厅条例 勿当“低头族”放狗

对于近日将军澳麦当劳发生的风波，有指涉事的是两只非常可爱的与同一品种的哥基犬，最终经理请狗主离开，狗主随即要求退单。Toby认为，在现行法例与公众场所的规范下，双方应互相体谅：“好似麦当劳咁，目前好似未有可以宠物优先。如果佢未有嘅，咁跟返佢规则算啰。亦都有啲麦当劳系有得坐外面㗎嘛，总会有室外嘅位置。我觉得大家包容啰，如果餐厅或者个条例真系未得嘅话，咁就暂时唔好带入去住啰，或者叫朋友看住先啰，都无办法。”

Toby更借此呼吁大众，爱护动物的同时也必须普及对不养狗人士的顾虑，并点出不少狗主现时的通病：“首先我哋唔好净系挂住放狗嘅时候执住部电话。好似我都会教啲工人姐姐，你唔好出到去净系顾住噤电话，只狗去咗边、做紧啲乜、乱咁执嘢食，或者咬到人，甚至疴尿疴屎睇唔到唔执，所以我觉得要由自己嘅教育开始。”

最后，Toby理性地指出，虽然她自己成功令身边原本怕狗的朋友接受了爱犬，但这需要时间，不能强求他人一朝一夕改变：“有时有啲狗主，成日觉得自己只狗狗系全宇宙最乖、全世界最好，我都明嘅，所以我就话一定要由自己主人嘅自身去学习。因为讲真，你计比例，无养狗嘅人一定多过有养狗嘅人，计成个香港社会。我哋属于比较少众嘅，唔代表我哋养狗嘅唔可以发声或者系我哋错，绝对唔系。只不过我哋都要明白唔养狗嘅人占多数，我哋应该同佢哋沟通多啲先。”