肥妈昨晚（6月5日）出席维园饮食嘉年华活动，她接受《香港01》访问时透露了李家鼎（鼎爷）的近况，指他精神和健康都好了不少，令人感到安心些许。

揭老友曾暴瘦入院 揸碗面都手震

肥妈接受《香港01》访问，表示已经是第4年参加活动及表演，笑言每年都会大扫货，由“街头买到街尾”。“唱歌系过嚟玩㗎啫，每年嚟系买嘢。（唱歌系顺便？）系啦，哈哈。”问及鼎爷的健康近况，她说：“（前排佢好瘦）系呀，入医院添，而家都冇嘢啦。你睇到佢食到嘢，因为𠮶阵时真系食唔到嘢，揸碗面都手震，而家好咗好多。”

激动爆大仔“唔做嘢”！心痛鼎爷老人家挨苦

肥妈续说：“一早叫佢放手啦，儿孙自有儿孙福，佢唔放手啫。初初我问佢，点解要咁辛苦周围揾钱，佢话啲细路哥揾唔够，但系我唔知佢（李泳汉）冇做㗎嘛，大佬呀。咁又唔同讲法，你话做唔够，啲老人帮手系啱嘅，但系如果要啲老人家，老骨头嚟捻，咁系唔啱数。而家佢睇开咗，知道要放手。咁呢啲系清官难审家庭事，我当时咁嬲，系因为我同鼎爷𠮶两年合作，我睇住佢好辛苦，一拍就要趷起身，拍到中间要坐低，手又震，我睇住⋯⋯大家明唔明白我咁嬲，我睇住佢，咁辛苦仲成日问我有冇第二啲嘢做，然后知道个大仔咁样，你话唔嬲就呃你嘅，因为我系亲眼睇住鼎爷点挨。”

霸气撑鼎爷断绝父子关系：佢终于脱苦海！

讲到鼎爷明言与李泳汉脱离父子关系，肥妈又表示支持。“我睇到报道话同个仔脱离关系，做咩都好，大佬，我支持！只要你觉得开心，觉得啱，好好保重身体，照顾好自己，你做咩决定都支持。（而家好似脱离咗父子关系⋯⋯）佢脱苦海啦！你唔觉得佢脱苦海咩，真系。（有冇约食饭？）有呀，我哋有通电话，佢话阿妹得闲出嚟饮茶，我话，好，你搞掂你啲嘢先。”