廖启智遗孀陈敏儿，今日（6月12日）于威尔斯亲王医院因病离世，享年65岁，陈敏儿的儿子廖文哲、廖文信在社交平台宣布消息。陈敏儿和廖启智鹣鲽情深，两人于1987年结婚后感情一直十分好。

丧亲之痛：极端哀痛下扔光亡夫遗物

早年廖启智（智叔）离世后，陈敏儿（敏儿姐）曾于港台YouTube节目《学人沙龙：生死一课》担任嘉宾分享对生死的睇法。当中陈敏儿就分享了智叔的遗物—— 一个怀旧款式绣花设计的小银包。“系智叔硕果仅存嘅遗物，系佢送畀我嘅礼物。当日智叔离开嘅时候，我都系丧亲者嘅反应，就系将佢所有遗物全部抌晒，一件不漏。当然我觉得系潇洒，但当然我处于丧亲者嘅哀伤中一个极端反应。”

生死顿悟：人不在了，遗物还有何价值？

“唔单止佢𠮶啲，连我啲相，衫全部抌晒。我执佢遗物嘅时候，好感触，全部啲衫塞埋一齐唔知隔咗几多年，我同啲仔全部都未睇过，塞埋晒喺柜桶底，好多嘢，但系个感概系，点呢？人而家都唔喺度，啲嘢对于呢个世界上冇一个人系重要，对于智叔系重要，佢仲要收埋柜桶底唔畀我哋睇。𠮶份感概系，人死咗之后，喺世界上面嘅遗物仲有咩价值呢。当日对你最有价值嘅嘢，当你唔存在嘅话，其实𠮶啲嘢都冇咩价值。”

幸存的无价宝：智叔亲手缝制的绣花小银包

“有一日我都会走，无谓搞着两个仔帮我执嘢，抌！于是将我同智叔嘅嘢一次过抌晒。其实我觉得自己太极端，当我自己冷静咗落嚟嘅时候，有遗憾。因为有啲嘢的确有好好嘅价值，但系我已经揾唔返。”为什么这个小银包会留下来？她续说：“珍贵嘅，就系幸好⋯⋯点解佢可以幸存，因为呢个银包仔系摆碎银，所以我摆喺车上面，有时要嚟入表。呢个系智叔送畀我嘅银包，珍贵嘅地方，除咗系智叔嘅最后一件遗物，仲系智叔DIY亲手做。”

“我收到嘅时候好感动，因为佢好忙，呢啲手工艺唔系佢强项，但系佢就系手工做咗呢样嘢畀我。”