刘佩玥今日于深圳出席无线与优酷联合出品的新剧《模范律师团》开机仪式。她特地为剧中角色剪头头发：“留咗好多年长发，想畀观众更大新鲜感，短发造型亦都切合角色。我个角色系唔准笑，佢哋叫我要笑就喺镜头外笑。我系好寸嘅，净系听师傅（罗嘉良）讲，好有正义感，唔系心高气傲，系满腔热诚想力争上游，因为出身于基层，唔需要任何人帮忙，非常之尊师重道嘅。我第一次做律师，上庭有好多挑战，好多嘢要记，我会畀心机演好去，喺镜头外笑晒去。”

感恩可同时与呢4位前辈合作

刘佩玥有份主演今次新剧，坦言感到好感恩：“我成日抽到好签，同啲好好嘅前辈合作，今次系一炮四响，同炜哥（陈炜）虽然合作过，但系好少对手戏，同捞家（罗嘉良）、阿怡（杨茜尧）同阿滕（滕丽名）就未合作过，好期待，阿滕拍咗处境剧咁耐，出返嚟拍正剧，可以合作系超级开心，我要努力追赶前辈进度。同张曦雯、何广沛就合作过，大家都好好朋友，喺《侠医》入面张曦雯成日畀我虾，今次呢套剧就唔会再咁样。”