83岁的赵志凌师傅是《功夫》里面的经典配角，饰演裁缝兼铁线拳高手，他表现风趣抵死，但在大战斧头帮时力战百人，纵使最后被两大高手打败，不过他却凭此角走红，亦受到星爷赏识，之后再拍电影《西游·降魔篇》和《美人鱼》。赵志凌硬桥硬马真功夫出名，当今首屈一指的洪拳大师，他师承于父亲赵教，而赵教就是师承林世荣（第一代传人）。他创办了“国际洪拳赵志凌国术会”，全球弟子超过20万人，是位在武术界拥有崇高国际地位和影响力大师。

周星驰半夜夺命Call

赵志凌师傅最近在自己的社交平台讲返当年收到周星驰邀请拍《功夫》的情况，他直言第一反应系“出奇到不得了”！赵师傅笑住话：“我当然好出奇啦！哈哈！周星驰揾我？周星驰揾我做咩？好难揾到我嘅㖞，真系啊！因为呢，我已经移民去咗美国啦，好耐啦，我已经冇拍戏好耐啦！半夜三更，佢喺香港系日头嘛，佢打电话畀我系日头，我哋𠮶边系夜晚，瞓紧觉时间，叮叮当当，哇！周星驰打电话揾我，揾我做电影㖞！”当时赵师傅完全摸不著头脑，心谂：“我有冇搞错啊，点解你会揾我？你点揾到我㗎？”

曾抱怀疑但被周星驰说服

但作为一代洪拳宗师，赵师傅当时并不是说拍就拍，对电影内容跟武术传承有好大的坚持。他直言：“我话个内容系点？个情况系点？紧系要讲清讲楚啦，唔好话阿福阿水，拍你周星驰又如何？你如果搅我嘅戏路，呢样嘢唔得嘅时候，喂，我几廿年啊，我今年八廿几岁，我哋从小教到而家，弘扬功夫去到全世界，全世界国家都有我嘅分会，我嘅membership，系嘛？所以系影响到好紧要，尤其是我中国嘅功夫文化、洪家，又系我哋嘅电影嘅文化。”

赵师傅坦言，当时星爷好有诚意地说服自己，星爷跟他说：“好多人钟意睇电影，所以点解呢，你做啦！呢套戏呢，就一定要推广你嘅，将你嘅功夫、你嘅洪拳发扬光大！”赵师傅听完，虽然觉得可以借此推广洪拳文化，但依然严谨地指：“我话系咩？睇下个剧本先！”相信其后赵师傅亦被剧本所吸引，因此接拍《功夫》，成就永恒经典。