郑裕玲（Do姐）今日（23日）一集的《The Do Show》请来刘嘉玲做嘉宾，一开始二人先讲述相遇的渊源。Do姐之前在去完刘嘉玲的节目做完嘉宾后，反问她可否去《The Do Show》，刘嘉玲听完后爽快答应：“信誉好紧要！我唔钟意扭扭拧拧㗎，一系就唔应承，应承我一定会出席！就算我唔舒服我都要赴呢个约，承诺好紧要啊对于我！”对于Do姐的邀约，刘嘉玲一秒都没有迟疑，直接答应做嘉宾。

Do姐对刘嘉玲的印象

Do姐问刘嘉玲记不记得二人第一次见面是何时，刘嘉玲亦不负所望记得：“我记得呢应该系《流氓大亨》𠮶时！”刘嘉玲反问Do姐对她的第一印象是否很“老土”，Do姐表示：“我觉得你系我眼中，刘嘉玲系几个阶段呢都畀我见到㗎。”Do姐正经地说起来，指第一个时期就是在训练班后，刘嘉玲与吴君如及曾华倩最好朋友，而当时的感觉就是很吵及是一个小妹妹，但刘嘉玲就反指“其实唔系我嘈系佢哋两个嘈”。Do姐续说现在的刘嘉玲已经变成一个：“你变咗一个好有气场嘅人”

刘嘉玲想了一想后表示觉得现在的自己是“找回自己”：“同埋我好经历好多嘢之后，我觉得我淡定咗好多！即系你个人一淡定，好多嘢你觉得都系可以允许任何事情发生𠮶时，你就会变咗云淡风清咁样，咁样行出嚟可能人哋就觉得系有个气场。其实人生就系冇咩大不了，咩嘢都可以过。”

Do姐闹刘嘉玲演变成掌掴

对于早年流传二人在拍《流氓大亨》时传闻，Do姐被指因为拍摄时刘嘉玲迟到而对她不理睬，经过不同人之间的催化下，变成“Do姐闹刘嘉玲”。对此，刘嘉玲立即澄清：“你冇闹我！”Do姐更指有些报道：“我睇就系直头冚你一巴！”对于有指Do姐掌掴了刘嘉玲，她马上回应：“咁更加唔会做呢啲嘢，更加冇发生过呢啲嘢！”虽然刘嘉玲表示Do姐没有打骂过她，但就对当时她说的话仍然记著，她表示是“当头棒喝”：“因为我𠮶时懒散、松散，拍电视剧𠮶时有好多场戏！我𠮶啲对白又记得唔熟，𠮶时广东话又唔系几好，我记得有一场戏，我哋食完晚饭喺Canteen入去厂。我哋排戏，我记极都记唔到𠮶啲台词，跟住你就我嚟啦！刘嘉玲，其实你知唔知呢场戏讲咩？咁我即刻觉得好羞耻！”她指当时的Do姐已经如日中天，但仍然敬业乐业，所以她把这件事记到今时今日，现在亦会用此事勉励后辈。

刘嘉玲表示汪明荃是她的好榜样

除了Do姐说了那句让刘嘉玲当头棒喝外，刘嘉玲更表示汪明荃是她的好榜样，刘嘉玲忆述：“我记得我哋𠮶时六点半嘅通告，佢六点或者五点半已经到。佢入去服装间拣好哂今日连戏𠮶啲衫，揾佢个妹妹烫好哂，一定系早到唔会迟到！咁我觉得呢啲全部都系树立咗一个要认真对待你嘅工作嘅一个好好嘅榜样。”

Do姐指汪明荃私下都一定会准时

Do姐指汪明荃不单单是工作，即使私下约会，她都一定会准时到达或早到。二人赞扬汪明荃的专业行为，刘嘉玲曾经有一次与汪明荃登台，汪明荃早早就到她的酒店房找她，更问她晚上会穿什么衣服。原来汪明荃带了三套衣服：“佢系可以同你衬一衬，如果你著红色或者著另外一只色佢唔想同你撞色，呢啲专业！其实对于我嚟讲系好宝贵嘅一啲指导同经历。”