郑裕玲缺席金像奖仍夺影后 刘嘉玲同入围受打击：输畀你心甘情愿
郑裕玲（Do姐）最新一集《The Do Show》请来刘嘉玲做嘉宾，开初二人先寒喧了相遇识的渊源。二人早前在节目中讲到在拍摄剧集时“结怨”，有指Do姐不满刘嘉玲迟到而闹她及掌掴她，更提及到当年Do姐及刘嘉玲同时被提名香港电影金像奖“最佳女演员”奖，而Do姐亦解释当年缺席的原因。
《阿飞正传》是刘嘉玲一个很大的突破
之后二人讲到当年的电影《阿飞正传》，Do姐觉得《阿飞正传》是刘嘉玲一个很大的突破，连刘嘉玲自己都觉得是：“我直情突破到我去睇首映𠮶阵时，我自己都呆咗！即系我估唔到我可以用咁样嘅姿态呈现在呢个画面入面。我谂都未谂过，即系可以系刘嘉玲但又唔系刘嘉玲，好靓啊𠮶啲画面、𠮶啲音乐，成个拍摄嘅手法。虽然我拍得好辛苦，即系拍咗好耐好耐，即系NG又每一场NG好多次，但系𠮶一刻我都觉得咩都值得！”Do姐直接觉得是拍出另一个味道的刘嘉玲。
香港电影金像奖同被提名最佳女演员
及后二人讲到当时同被提名香港电影金像奖，刘嘉玲凭《阿飞正传》被提名最佳女演员，而Do姐则凭《表姐，你好嘢！》同被提名最佳女演员。当时大家都觉得十拿九稳是刘嘉玲夺得，Do姐笑指：“封面都整定系你，周刊都系整定。”所以她有想过去还是不去颁奖礼，但她表示自己当时的心态并不是“我唔系话专登惊输咗唔去”。Do姐表示当时是因为在拍一部电影：“佢哋就租咗间学校，好似系礼拜六礼拜日就冇人嘅，如果你唔拍呢又唔知度几时嘅期啦咁样。咁我谂下多数都系你攞㗎啦，咁不如就拍戏啦，费事人哋就再度期啦，咁就我攞咗㖞。”Do姐更指当年那一届所有提名最佳女演员的演员都没有去，只有刘嘉玲有出席，但最后还是输了给Do姐。
最后郑裕玲夺最佳女演员
刘嘉玲即笑指当时受到打击：“你话系咪呢个世界就整定要我受一次打击，其实我输畀你系我系心甘情愿，因为你系我心目中一个好识做戏嘅演员嚟嘅！系真系嘅！”至于为何刘嘉玲会觉得是打击，她指：“因为呢𠮶段时间成阵风呢将我吹咗上天，即系我又喺法国兰南特影展攞咗个‘最佳女主角’，跟住你话香港啲电影双周刊、明报周刊，全部都系我封面，即系大家等紧新出炉个影后㗎喇㖞。点知同埋侧边𠮶啲人都冇嚟到，仲唔系我？咁就系呢个天就系要佢要令我成长。”
刘嘉玲更讲述到当时的感受，因为林青霞及周润发颁奖，而二人亦很想她夺奖，所以林青霞一早已经跟刘嘉玲说好，如果看到结果是她就会打眼色，让她准备靓靓地上台拿奖。但是林青霞看到结果后望向周润发，因为周润发不知道她跟刘嘉玲之间的约定，所以让她读出来，而最后则是周润发自己来读：“最佳女主角《表姐，你好嘢！》郑裕玲！”而刘嘉玲当刻的感觉是：“成个世界我觉得系熄咗，即系我嚟讲系熄咗！咁我要听到掌声，我先醒返！”
当刘嘉玲醒来后才觉得整件事完了：“醒咗，又唔系我！咁颁奖礼完咗，一路出去，欧丁平唔知点解喺人海当中冲过嚟，倒返转头出嚟，话嘉玲真系戥你唔抵啦，你系最好嘅。”当欧丁平说完这句，刘嘉玲当刻泪如泉涌：“因为你𠮶时好脆弱嘅，你唔可以咁样嚟安慰我㗎！”现在的她回想起来，这个回忆就是特别的存在。