姚焯菲 (Chantel) 今日于铜锣湾为护肤品牌活动担任嘉宾，身穿珍珠白色露肩贴身迷你裙的她性感迷人，身材极好，予人一种大个女的感觉，令人眼前一亮。她的家人都有到场支持她，她的大姑妈更被她抽中了奖。姚焯菲接受访问时说：“我知道佢哋嚟，但系唔知佢哋喺边个位，好开心屋企人都有嚟支持我。”姚焯菲表示很重视肌肤的深层清洁，平日帮自己敷面膜会觉得好治愈。问到她有什么护肤心得，她说：“敷泥膜，早瞓，尽量唔好过12点，最紧要饮多啲水。”

做灰姑娘不会出夜街

而预告8月会开骚的她岂不是要打破早瞓的规定？她说：“难啲，尽量啦，自己平时12点前就会瞓觉，唔会去夜街。（灰姑娘？）都系㗎，通常我10:30就要返屋企，我唔会温书温通宵嘅，觉得咁样都无用，有试过因为考试瞓唔着。我唔会跟同学出夜街。（会唔会被孤立？）唔会，有几个朋友都系注重养生同温书，好少会出夜街。有次试过夜晚12点喺china town食海底捞，系我人生第一次食，𠮶次讲起火锅，我话未食过呢间，啲朋友就话咁依家去食啦。”

为8月开骚节食减肥

姚焯菲透露今次返港放暑假，要见的人已见得7788，现在要专注练歌，她表示开骚的run down仍未排好，会请嘉宾，但都是好初步倾洽的阶段。姚焯菲说：“会唱啲好有挑战性嘅歌，展示另一面嘅我畀大家睇，要节食同埋练气。（会唔会染发？）唔会，我从无染过头发，觉得依家呢个发色最衬我。”提到之前为何晋乐（Rock）担任MV女主角，姚焯菲说：“系我第一次做MV女主角，几得意，好感恩佢揾我，大家互相帮忙。”至于她之前在冰天雪地拍自己新歌的MV，她表示当日真的好冻，有落冰雹，还生病了。她忆起第一次看雪的情景：“喺纽约见到落雪，好开心，𠮶时系喺图书馆温完书出嚟见到，开心咗几日，之后啲雪开始核突，变灰色。”她又表示开骚前想出新歌说：“已经录咗两首歌，好想同大家分享，但未问准公司，明白公司有佢哋嘅安排。”她又希望可以参演《爱·回家之开心速递》大结局：“知道佢哋未拍，希望我可以拍到。”自言会向监制自荐。