现年65岁的吴毅将90年代活跃香港电影圈，最为人熟知的必定是他饰演凶残社会大佬、变态色魔等反派角色。他已经淡出香港演艺圈多年，转往内地发展的他不时拍剧、登台，发展不俗。最近吴毅将在内地又有骚开，在台上深情肉紧献唱刘德华的《暗里著迷》，期间更展示他非常健硕的麒麟臂，虽然已经65岁，但睇落依然好fit！

大动脉血管撕裂险死

吴毅将睇落好fit，但原来曾经险死！一年前接受钟慧冰的YouTube频道访问，透露曾经因大动脉血管撕裂，被判定有三成机会瘫痪甚至死亡。吴毅将透露当时是颈部的大动脉血管撕裂，但幸好是由上而下撕裂，没有影响脑部：“如果向脑部即刻就好危险，咁佢就向咗下面（撕裂），向心脏𠮶边就影响咗个肾。”吴毅将忆述出事前身体已响起警号：“因为我经常做运动，点解我行10分钟都会腰酸背痛呢？之前乜都唔知，后尾一照发现有半个肾有阴影，啲血唔到呀。因为有条血管，佢生咗喺大动脉侧边，𠮶条血管愈泵愈胀，就吸收咗，将你嘅血流咗落去，冇去到个肾𠮶度。”

吴毅将指这个病可以由很多原因引致，例如工作压力、饮食、年纪，甚至运动过量亦可能引发问题：“后生𠮶时谷得犀利，一上Gym玩三、四粒钟㗎！操得好劲，可能因为咁……又饮酒啦，𠮶阵时又食烟，又要日夜挨夜拍戏，好多方面影响到我。”而吴毅将大病亦令太太唐丽球非常担心：“医生仲同我讲，佢话有30%你可能会瘫，有可能会死。我话如果我瘫，你哋真系唔好救返我，瘫呢我不如走喇，我眯埋对眼，生人都好过啲，伤心吓就算，瘫呢，佢一世都陪住我呢，都唔知要服侍到几时，大家辛苦。我纠结咗好耐做唔做，终于做咗，好庆幸感恩，大步槛过。”而吴毅将完成搭桥手术后已没有大碍，但现时要注意生活检点，需服食降血压药，改变饮食习惯，不可太肥腻及吃太多肉类，要做适当的运动，但就要避免太过剧烈。