邱晴参选港姐入行，初出道时担任儿童节目主持，于2021年离开TVB往外闯。邱晴早前出席HOY全新综艺节目《嫲嫲饭饭》之《给阿嬷的情书》特别场活动。她透露在她出世时家中5代同堂，而她与嫲嫲的感情特别好：“我系单身家庭喺香港跟妈咪住，嫲嫲喺乡下，我哋好少见，但每次见到都会好肉紧咁揽住对方，有一种久别重逢嘅感觉，会不停咁同嫲嫲倾偈。我好钟意乡下𠮶种大家庭嘅温暖，钟意返乡下。嫲嫲对我嘅记忆好深厚，会讲返畀我知我细个嘅事，例如我细个好钟意出街，落雨都要出街，令我更加了解自己。”

10蚊碎猪肉食几餐不是最惨

提到早前邱晴谈及自己曾经挨穷的日子，因遇上疫情冲击，试过长达两年几乎零工作，接近零收入，户口只剩港币70蚊，她要到街市买10蚊碎猪肉，分开几餐食，对此她说：“依家已经无咁穷，工作收入都ok，想储返啲钱。（𠮶段时间系咪你最穷嘅日子？）细细个嘅时候穷啲，𠮶时因为穷，我妈咪煮煲土豆炆鸡翼食几日。依家有返多啲工作，除咗幕前演出，仲有去朋友嘅店舖帮手，佢都有畀返啲人工我。同埋我有荷兰飞环嘅教练牌，有教班。最近忙紧拍摄《运动关注组》。（呢行收入唔稳定，有无后悔入行？）所有嘅决定都系最好嘅决定，我好钟意做呢行，钟意演戏想带欢乐畀大家，挨吓穷无问题。”

瘦一圈身材Fit爆

邱晴看来明显比之前瘦了一圈，她表示因为刻意减肥：“做多啲运动，食少啲嘢，食少啲淀粉质。不过之前食得太少又做好多运动，搞到个人好虚，血糖唔够，所以依家食返正常啲，唔介意有个小肚腩，咁样健康啲，个人有返啲力量。（仲要唔要再减？）想瘦多5kg，夏天可能要拍旅游节目，想线条好睇啲，嚟紧都会跟教练操练。”她笑言并非因为挨穷而饿瘦了。