古天乐踪横演艺界，推出过多首脍炙人口的歌曲，直到今年终于要举办他的首个个人演唱会！古天乐演唱会《古天乐 MY FIRST SHOW》将定于8月21日及22日在红磡体育馆举办两场，并于7月3日在城市售票网公开发售。

点解唔叫演唱会？古仔：最紧要一齐玩

今日（6月29日）古天乐出席记者会，分享举办演唱会的心情。记者会主持阿正问及演唱会叫《古天乐 MY FIRST SHOW》而非《古天乐首个演唱会》的因由。古天乐表示，希望入场的观众能与他一齐玩，比较似一个骚多于演唱会。

争取零距离互动 妙笑提问：飞落嚟就唔会互动到啦

古天乐接受传媒访问时，也透露了更多细节。记者会上，古天乐笑言会坐在台下唱歌，与大家打成一遍。访问中，他表示要考虑很多细节，保安方面亦有考虑。“（想坐山顶位定第一排？）山顶位？其实我真系㗎，但系落嚟个过程可能有啲混乱，都会尽量考虑。（有冇飞天？可以360同fans互动）可以，你可以去昂坪360又得。（飞落嚟？）我飞落嚟就唔会互动到啦。呢个我谂吓，我都想同观众接触再近啲。”

记者笑言，会不会有电影爆破效果？古天乐回答：“咦，你愈问愈离谱㖞，炸咗红馆咁㖞。（烟火效果）都要睇返现场，你知唔可以有好多，适可而止。”

一身“飞债”交畀同事处理

有记者问及大会dress-code，提议用海报造型。古天乐又说：“其实我阿妈同啲朋友都会去睇，唔系几好意思。（咪一身飞债？）今次佢都问我攞飞，我讲畀大家听，我真系冇办法记得晒，所以我揾咗个同事负责。”

破纪录挑战“最短”演出？巡演凡事不一步登天

问起会否encore再encore，破红馆最长演唱会纪录，他笑言：“不如试吓我最短呀？我都系尽我能力去做。”会否考虑做巡回演唱会？他回答：“嗱，凡事都唔好一步登天，做完今次先啦，其他嘢再谂啦。”

万众期待古天乐跳舞！

古天乐开骚，fans最期待的当然是古天乐跳舞。他表示，现正练舞中：“开始紧，而家试紧离地两米，呀唔系⋯⋯”现场一遍起哄，古天乐指一指天花板，补充说：“呢度都两米啦。（练成点？）最近练紧歌，练紧啲反应，其实唔系话操肌𠮶样嘢，而系好多肌肉冇用过，要操返肌肉嘅反应。”有几多首歌会跳舞？他回答：“啱啱都有人问，《无时空之恋》会唔会同宣萱跳舞，慢歌嚟唔可以跳舞。（可以跳交际舞？）我仲要揸支咪唱歌。”访问中，记者们追问很多演唱详情，古天乐又笑言：“暂时我负责锻炼好身体，如果大家咁想知，我就攞个rundown出嚟。”