TVB高层乐易玲（乐小姐）今日（7月1日）67岁生日，昨晚（30日）她特地于尖沙咀一餐厅包场举办盛大生日派对，出席的圈中人众多，除了一班TVB小生花旦包括：黄宗泽、马国明、陈山聪、萧正楠和黄翠如、张振朗、朱敏瀚、陈晓华、朱千雪、刘颖旋、郭柏妍、马贯东、阮浩棕、丁子朗、许家杰、蒋祖曼、黄嘉雯及女团MYNT四位成员外，还有胡定欣、海儿、翁嘉穗等不少圈中好友，就连前总经理曾志伟也俾面出席，现场可谓星光熠熠媲美台庆。

生日愿望最紧要健康 努力寻觅接班人

问到今年的生日愿望与往年有何不同？乐小姐坦言：“年年都系啦，身体健康最紧要。身体健康、开心、工作顺利。每件事都轻松、慢慢，所有遇到嘅全部都系贵人。”谈到未来的目标，乐小姐表示近年一直希望在自己的岗位上，能找到可以接替、承传下去的人。她坦言：“我喺电影、电视、management都做咗咁多年，其实咁多年嚟，我都好想喺我岗位度揾到一啲人，因为将来始终都会有呢一日。”但乐小姐直言尚在努力寻找合适的接班人人选，一点都不容易，“其实而家我都有带住几个人做，我都想佢哋做得好啲，帮轻下我。”

盼与儿子及高龄母亲多旅行　认恨饮新抱茶

问到是否开始想环游世界、放下工作享受人生？乐小姐笑言：“我好想，佢哋成日都讲啊，三哥（苗侨伟）、三嫂（戚美珍），个个返嚟都系咁讲，趁我仲可以好健康咁周围去、enjoy life，我应该花多啲时间去陪我两个仔仔，趁佢哋仲睬我，系咪呀？唔系嘅话，佢拖住第二个，仲点会同我去？当然，我都想花多啲时间喺屋企人度。因为我妈咪都95岁啦，例如最近屋企人一齐去旅行，我因为工作忙，参加唔到。所以有时我都觉得，即系如果可以有一日，趁妈咪仲健康，我啲小朋友仲系单身时一齐去旅行。”

问乐小姐会否也心急想饮新抱茶，她说：“呢样嘢呢，所有妈咪都想嘅，咁当然希望佢哋揾到the right person，可以照顾到佢哋，最好照顾埋我啦！”乐小姐透露自己没有催促两个儿子结婚：“无！而家我好enjoy佢两个成日都黐住我、揽住我，好高兴嘅啦。”笑指她阅人无数，如果儿子将来有女朋友，是否要先过她那一关？乐小姐笑言：“我梗系话唔使，但点可能唔使啊，静鸡鸡都要嘅。”

她更爆料两个儿子目前还未有想拍拖的念头，两个儿子都仍未有对象：“我当佢哋系情人啦，佢当唔当我系情人我唔知啦。我细仔好sweet，有时我饮咗酒唔揸得车，佢会叫部Uber嚟，然后帮我揸部车返屋企。希望将来真系揾到一个锡佢，又锡我嘅人啦，我唔会呷醋。（有无给时限佢哋，几时结婚生仔？）真系无，现在养小朋友唔易，唔使为咗我要抱孙生个俾我，我真系唔介意。”

无条件支持黄宗泽

谈到黄宗泽（Bosco）早前透露监制一套邵氏的电影，乐小姐毫不犹豫地表示：“一定支持佢啦，佢系一个好有才华嘅人。除咗演艺之外，佢每一方面都好上心。我哋咁耐以嚟，就算拍几艰难、几辛苦嘅剧都好，佢一喺度就搞掂。虽然我哋无俾钱佢，但我哋都叫做生活制片，乜嘢都是佢搞掂。所以Bosco系我哋今年重点栽培嘅人啦。”

问到这是否代表“无条件支持佢”？乐小姐豪言：“咁我系佢阿妈嘛！能力范围之内，我当然希望可以支持佢想做嘅嘢。其实佢做嘅嘢都是同我哋娱乐圈有关，咁其实都帮到娱乐圈，尤其系香港。”

妙谈吴卓羲张曦雯绯闻　大赞“靓仔靓女”

吴卓羲近日被眼利网民发现与张曦雯疑戏假情真，以猫传情。乐小姐被问及此事时笑言：“只猫唔系剧组架咩？（本来系吴卓羲收养，突然间去咗张曦雯度？）咁咪好啰，只猫几多人锡。”追问二人是否真的在拍拖，乐小姐表示并不知情：“我真系唔知㖞，无问，我无八㖞。”至于觉得两人衬不衬，乐小姐大赞：“两个都系靓仔靓女嚟嘅。衬唔衬就……嗯，行落去就……你哋睇落去咪知啰。”令两人的绯闻关系更加引人遐想。