宣萱出道以来较少性感示人，在HOY热播剧集《谁杀了她》中，她难得展露性感一面，穿著吊带喱士睡衣，与金钟视帝李铭顺拍摄夫妻间亲热场面，她指新加坡尺度有限，只要剧情需要及合理，她不会介意。

宣萱为 《谁杀了她》破格性感

宣萱接受主播王凌燕专访时分享拍摄《谁杀了她》的挑战，剧中宣萱罕有穿性感睡衣，还有大露背镜头，对此宣萱笑说：“少少啫，冲凉啰！当然我哋唔会担心，因为签约前佢哋有讲会有呢啲场面，问我哋得唔得。但基于新加坡，我哋觉得好安全，因为新加坡嘅尺度都系有限，其实呢个故仔对我哋嚟讲都好意外，点解新加坡可以拍到咁嘅尺度，原来系网剧，唔系电视。性感我觉得可以接受，虽然我好少拍呢方面嘅戏，但系只要剧情需要同合理，我觉得就要做。”

宣萱与李铭顺吵架戏拍到胃痛

剧集阵容强大，有金钟视帝李铭顺和最佳男配角温升豪，宣萱说：“演我老公嘅李铭顺，佢嘅演技系顶流，佢帮到我好多，大家合作得好舒服。你睇佢唔出声成熟稳重，好有味道，但其实佢好玩得，佢知我钟意食嘢，佢会不停外卖啲我未试过嘅新加坡美食。佢见大家好沉重，拍得好辛苦，我哋都会‘万岁’，希望团队开心，佢好识做呢样嘢。（煞科开心到跳舞？）系呀！因为见大家冇好日子过。有一场戏直情嗌到我胃痛，拍唔到，叫佢哋先准备下一场，我要瞓喺度，因为胃抽筋。”

宣萱自爆拍戏拍到爆微丝血管

宣萱还拍到眼袋爆微丝血管，她说：“我唔知原来眼袋可以爆微丝血管。讲我终于揾到个女条尸，去殓房认尸，一停机，补妆时化妆师要求俾多少少时间，我问做咩？佢话个眼袋爆晒微丝血管，全部一点点红色佢要去遮，我先人生经历第一次，当你喊得太激烈系会咁。同埋皮肤变得好差，所以𠮶次之后，我好知道女人唔好心情唔好，情绪波动真系会影响皮肤，我明点解女人要瞓要休息，唔好成日嬲，因为拍摄期两个月系长期，返去我觉得自己老咗。”

至于温升豪，宣萱就说拍摄后发现趣事：“原来我哋都系因为大家先接呢套剧，除咗故事之外。李铭顺有讲好耐冇拍新加坡制作，佢话我见到你个名咪接啰！我话咁啱嘅，我又系见到你哋个名就接啰！都系接拍原因之一，因为对手好紧要。”

宣萱凭《谁杀了她》新加坡再封视后

宣萱凭这部剧在新加坡再封视后，她说：“我怕剧唔会谂攞奖，我觉得有系锦上添花，最紧要享受过程，我觉得已经享受晒成个过程，虽然好辛苦，但攞埋就觉得之前咁辛苦，摆咁多情绪同时间落去，大家睇到，仲多谢你嘅付出。老公攞埋就仲开心，因为有话好少会同一套剧男女主角都攞奖，佢后来有同我讲，佢听到我攞，佢觉得佢应该唔会攞，点知佢都攞埋，我哋喺后台开心到癫咗。”