歌手周吉佩（吉吉）今日（7日）出席《明爱暖万心》记者会，他接受《香港01》访问时，被问到上年在无线高层乐易玲（乐小姐）生日会上发生的“失窃事件”。对此，吉吉大方还原当晚的混乱现场，同时透露事件的最新进展。

混乱间公仔被人拿走

今日有报道指，在上年乐小姐的生日会上，有人在派对尾声时失手拿错了礼物，甚至传出有失窃嫌疑。吉吉受访时证实当晚的确有发生这段小插曲，他忆述：“系，因为呢件事的确系喺现场有发生过嘅。但系因为当时其实好好混乱。我哋去到我谂差不多去到活动尾声嘅时候，就突然间发现我扎花、送畀乐小姐𠮶扎礼物呢，就唔见咗一啲公仔咁样。”

强调纯属一场误会 揭失窃礼物惊喜“升级”

幸好现场餐厅的应变速度极快，而且非常协助，吉吉表示：“餐厅好好啦，佢帮我哋去睇下、翻查下一啲CCTV（闭路电视），咁就睇到有人拎走咗。”

虽然CCTV拍到有人拿走礼物，但吉吉连番强调这纯属一场“美丽的误会”，希望大家不要过度揣测，也透露乐小姐本人完全没有介意：“我哋都大概知道嘅，不过呢个都唔方便去再讲啦，因为件事已经完咗。”至于事件今日再被提起，吉吉都感到很惊讶：“其实件事已经过去咗，Settle（解决）咗，无咩嘢其实，好小事、好小事。”

最有趣的是，这件“失窃案”最后竟然迎来大团圆结局。吉吉透露那些失踪的公仔目前已经安全送回乐小姐的办公室，而且还获得了意想不到的待遇：“依家最重要就系，𠮶几只公仔系已经喺返咗乐小姐嘅公司Office（办公室）入面摆紧喺度，咁佢亦都再靓咗！因为整咗好靓嘅衫仔畀佢哋啊，有整咗手袋。”

吉吉强调与事件主角仍是朋友

至于“失窃案”的主角，不少网民都在猜到底是谁，吉吉指这个人是大家都认识的，但这件事没有影响他们的关系：“我哋系朋友嚟㗎，我哋OK㗎，我哋都系朋友嚟嘅。无嘢嘅，其实件事真系一个误会嚟啫，好小事。”

而乐小姐去年生日发生失窃事件后，吉吉被问到今年送礼物方面有否比之前严格，他笑指乐小姐不要礼物：“佢有讲明话：‘大家不需要特别买礼物嚟，最紧要大家开开心心嚟食餐饭咁样。’”