日前陈家乐现身为活动，佢仲自爆自己爱食月饼，怀念传统的味道：“我都要食月饼，我钟意呢种传统嘅味道，一年先得一次机会！我未俾女女食，因为佢依家就食紧啲原型形食物，我想俾佢大少少先至去试！”

陈家乐盼携爱女派月饼做义工

家乐表示希望早日与爱女齐做义工，为有需要人士服务：“头先我听到佢哋会派月饼比基层嘅朋友，我即刻有个画面就系可以带埋小朋友一齐去做呢件善事，我觉得都好有意义。比佢去学吓帮下同啲长者相处，都系一个几好嘅教育。（会肉痛佢太辛苦？）我唔会心痛呢啲嘢，我好想佢快啲去感受多啲。有时如果佢跌亲，唔系受伤嘅话我都会忍住，反而陈太就会想即刻过去抱起佢！我就会话‘佢都无喊，做咩要抱？’。（你同陈太边个话事？）如果佢真系无咩大碍就真系我话事嘅，但佢一喊陈太都会冲过去抱起佢。”

陈家乐讲起爱女就滔滔不绝，佢表示暑假未有计划去旅行，因为女儿即将升上N班，要为开学做准备：“其实都系玩，上堂都系想佢习惯与不同的人相处。佢平时都系黐住我哋，要学习分离。（会送返学？）依家间学校都系喺屋企附近，如果冇工作我都会送返学。平时女女如果要玩嘅话就会黐我多啲，因为佢知道揾我嘅话唔使咁早瞓，如果要嗲、要抱嘅话就揾妈咪！”