资深艺人夏雨早前无辜卷入多宗网上争议，先是被指曾于多年前欺凌女星杨思琦，幸得同剧演员陈曼娜（Manna姐）亲自出面发声，还他一个清白。随后编剧刘定坚又于网上爆料，指夏雨当年与女演员高妙思拍摄吻戏时曾伸脷”。今日（21/7）夏雨出席活动，就事件接受《香港01》访问时，亲自逐一霸气回应相关传闻。

陈曼娜出面还清白 夏雨：根本冇松一口气

早前有指夏雨当年拍剧时曾欺凌杨思琦，事件一度引发网民热议，直到陈曼娜站出来公开还原真相，才为夏雨洗脱冤屈。被问到获平反后是否有“松一口气”的感觉，夏雨坦言完全没有这种感觉：“冇咩松一口气啊！我觉得呢件事，根本讲句唔好听，依家好多KOL又好、咩都好，呢个系所有传媒以前，有好多年嘅方式，就系攞嚟骂人，周围骂人、周围揾眼红嘅话题。周围揾啲嘢，唔系事实嘅嘢攞嚟讲。咁你如果反驳佢，咪更多人睇啰？目的都系想多啲人点击㗎嘛！”

夏雨直言，当年被指欺凌根本是无稽之谈，幸好陈曼娜仗义执言：“陈曼娜姐又好嘢，佢又提返出来，将个访问放出来，我亦都将整件事嘅经过讲返出来，我觉得过咗去嘅啦呢件事。”

狠批刘定坚靠“骂人”博点击 无意致电沟通

除了欺凌传闻，资深传媒人刘定坚先前亦指控夏雨当年与女星高妙思拍摄吻戏时曾“伸脷”。对此，夏雨毫不客气地直指对方绝对是典型的“博流量”代表：“绝对系一个典型嘅代表啦！佢周围揾交嗌，你驳佢，佢咪更多人收睇啰？所以我都唔睇佢！”

问到会否私下打电话给刘定坚沟通或澄清？夏雨即时展现霸气，笑言根本没必要：“大家都知道佢嘅方式，你同佢讲呢啲做咩嘢？你咪即是配合佢玩？”