《非份之罪》昨晚（20日）一集继续是《危险游戏》单元，最惊爆剧情除了死者Jarvis（吴伟豪饰）读书时因整蛊骆晓善Helen（江嘉敏饰）致对方半身不遂，还有阿善妈咪原来就是Jarvis公司的清洁工清姐（罗冠兰饰）；加上对Helen疼锡有加的清姐自Jarvis死后经常心事重重，令清姐Big Boss呼声甚高！除了剧情推进，昨晚无论是阿善与前度阿正（梁证嘉饰）互为对方著想的爱情，抑或阿善与清姐的真挚母女情，都相当感人！

梁证嘉对江嘉敏至死不渝超感人

其实自八年前Helen受伤后，阿正一直将其照顾得无微不至，就连事业及梦想也可以放弃，这亦正正是Helen最心痛的地方；为了还阿正自由，Helen坚决提出分手：“唔系我等你，系你唔好再等我，我唔想你因为我冇咗人生”、“阿正，你嘅世界应该系黄石公园，唔系黄石码头”、“呢八年多谢你照顾我…唔使担心我架，你去（美国）追梦啦”，而阿正到最后一刻，则仍暖心地回应Helen：“你从来都唔系任何人嘅负累，你系我生命中其中一个最重要嘅人。”对于阿正的情深及不离不弃，网民大表感动，纷纷大赞是世上没有的百分百好男友：“呢啲男仔真系睇剧先有”、“个男仔好惨，有血有肉”。

江嘉敏大晒逆天长腿获网民高度评价

另一幕感人位，是当江嘉敏见到罗冠兰对二人合照珍而重之时，即主动提议与罗冠兰到影楼影相留念，二人先后换上空姐机师、啦啦队足球员及母女旗袍Look，三组造型都寓意了清姐对Helen的支持，再配上二人的温馨互动，别具意义。除了与罗冠兰的温馨母女情受到关注，江嘉敏穿上橙色足球员装束、大晒逆天长腿亦获得网民高度评价，江嘉敏自己亦在社交网搞笑留言指相关造型可向近日热爆电影《功夫女足》致敬。

吴伟豪首演奸角获网民洗版式大赞

除了江嘉敏，首演奸角的吴伟豪Ricco亦获得网民洗版式大赞演技好、入型入格。昨晚剧情讲到吴伟豪死前一日曾与江嘉敏对质，面对江嘉敏指责自己当日玩得过火，吴伟豪不但未有半点悔意，更“丁蟹”上身大讲歪理、反过来指自己才是受害者：“我一啲都冇内疚，你怪我玩得过火之前，有冇谂过（半身不遂）系你唔好彩呀？”、“我搞咁多整蛊出嚟都系想观众认同架咋，但你呢件事全世界都以为系意外，连你畀我玩𠮶个，都要过咗咁多年先知系我搞出嚟，知唔知对于一个艺术创作者嚟讲，系几大嘅侮辱呀？”说到一半，更拿起足球掟江嘉敏，再面目狰狞地续说：“醒吓啦，每日都有人因为意外而受伤，咁我哋系咪应该匿埋喺屋企咩都唔做呀？咁同你瘫咗有乜分别呀？整蛊人嘅精髓，就系利用一个人嘅不幸，去换取无数人嘅笑声，所以只要我一直玩落去，咁先对得住你瘫咗呢八年。”

网民赞吴伟豪演渣男够晒乞人憎

对于Ricco的“无耻渣男语录”，以及“丧心病狂”冷血嘴面，网民无不感到哗然，纷纷留言指“渣导”抵死、恶人有恶报：“吴伟豪呢个角色唔值得同情”、“啲对白某程度都反映咗网络嘅生态”、“Ricco 做得好好，会令人觉得佢好乞人憎”、“真系渣渣渣渣渣”、“去到丧嘅地步，点会咁话人”、“完全摆脱咗朱凌凌嘅Image”。