无线剧集《非份之罪》今日（22/7）于荃湾举行宣传活动，剧中演员阮浩棕与何沛珈现身出席。两人在剧中合作单元《恐怖情人》，对于剧集仅有5集，两人接受《香港01》访问时均坦言“意犹未尽”，更对剧中的连场激吻戏份大谈感受。

叹5集不足够 阮浩棕：长少少会爽好多

谈到《非分之罪》的单元剧形式，两人皆表示集数太少不够看。何沛珈直言：“我哋呢个故事唔单止我哋有参与嘅演员觉得好正，连公司其他同事都好好睇。咁所以我觉得5集真系唔够睇啊，如果可以嘅话10集、20集都应该系。”

阮浩棕亦深有同感，从演员专业的角度回应道：“回复返头先个问题先啦，因为我自己都觉得作为演员呢，的确我哋有个长啲嘅时间呢系会爽好多嘅，即系以一个专业嘅层面上面都觉得有长啲系会演得开心啲啊。”

剧中激吻连场 阮浩棕笑言已成“男人公敌”

在《恐怖情人》单元中，阮浩棕与多位女演员均有亲热激吻戏，场面相当激烈。当被问到亲热戏的数量时，阮浩棕笑指：“我大量嘅亲吻嘅场合啦，咁暂时剧照有透露出来嘅就有余思霆两次啦，刘佩玥有两次啦。”何沛珈随即在一旁打趣补充：“有激烈场合！”

阮浩棕更打趣道：“我只会话仲有其他嘅亲吻嘅场合嘅，激吻场合，但个唔方便透露系边个啦，到时大家去留意啦。”他坦言这次是他入行以来最多亲热戏的一次：“绝对系，绝对系！之前拍其剧可能一场两场亲吻，我头先已经咁样讲都数咗四场出来啦，喺5集入面㖞！”面对被指可能成为“男人公敌”，阮浩棕笑言：“绝对系啦！我预咗下个礼拜出街嘅时候呢，应该就全港会闹我嘅。”

亲热戏沟通充足 何沛珈：大家都好Gentleman

被问到拍亲热戏会否感到尴尬或被“占便宜”，阮浩棕强调事前沟通与尊重女性的重要性：“我其实唔关心嘅，即系我觉得对于演员黎讲呢，其实拍嘅𠮶阵唔会有咩太大嘅感觉嘅，因为对于我哋嚟讲我哋会沟通好晒嘅。同埋要尊重对手，即系始终要尊重返女性嘅，因为无论点样讲都好啦，你拍亲呢啲亲吻剧点都系女孩子系蚀底啲嘅，你点都系要沟通好，大家要去到边个位、大家去接收到边个位，然后才可以。”

何沛珈亦分享了自己的经验，笑称自己反而是要主动的一方：“我又有拍过啲亲热戏系我要‘擒’人哋嘅，可能系我要同佢沟通清楚：‘对唔住，我一阵会擒你，我会点你呢度同埋𠮶度’。”她补充表示同剧演员都非常有礼貌：“我觉得情到浓时，有时候会有多少少呢系好正常嘅，同埋我哋演员们大家都好Gentleman嘅，咁所以大家都唔会过份，我就未试过话唔舒服。”