梁敏巧（Maggie）昨日（23日）在动漫电玩节被偶遇，面对日前拍片时，被眼利的网民踢爆她最爱的公仔中竟然有假货，引起版权争议。虽然她事后已在社交平台发文澄清并已下架片段，她接受访问时直认是自己的疏忽。她解释家中过百只公仔大多为粉丝及朋友送赠，基于信任未有逐一查核真伪：“咁我都系好想喺度同品牌方讲声对唔住啦，因为呢个系一个不当嘅示范嚟嘅，咁另外呢，其实我都真系有畀钱去买呢啲公仔，我喺香港嘅实体舖买嘅，咁我就真系买咗啲翻版啦，但系用正常嘅价钱而且佢同我讲系正版嘅，咁我都会向呢间舖头追究嘅。”

梁敏巧跟店铺反映事件

对于下一步，梁敏巧表示自己会跟店铺反映事件：“因为具体点样做其实我都唔系好清楚，我要问返我认识嘅律师朋友，睇下佢教我点样去做。（会唔会自己报返东张？）真系好头痕，真系冇谂过原来纯粹想分享下一啲心头好，所以就搞出呢个咁嘅大误会，真系可能要自己报返东张。”至于梁敏巧口中所说的律师朋友，被问到会否是绯闻男友Matt时，她笑指二人现时是“好朋友”关系：“我都会问下佢㗎，冇问题。我哋而家都系好朋友。佢同我讲，有咩出声啦，有咩帮手出声。”

梁敏巧唔会掉晒粉丝送嘅公仔

梁敏巧被问及会怎样处理这些翻版公仔时，她指：“其实由头到尾我都唔会去谂呢啲系真假、价钱，我都唔会谂人哋送得畀我就系因为钟意你先送你。咁所以其实所有粉丝朋友送畀我嘅嘢，包括呢只公仔，我都会摆喺屋企，咁我唔觉得因为呢件事而去扔咗佢。”而是否会学懂分辨真假，梁敏巧笑言要请教一众“火眼金睛”的网民，但若日后再收到粉丝送的假公仔，她亦不会介意，只是尽量避免公开展示，以免变相鼓吹翻版。