“无线集团有限公司”今日（24日）举行更名发布会，何广沛亦有出席支持。早前宣布求婚成功的何广沛，即将迎娶未婚妻，他在活动上接受《香港01》访问时，就被问到婚礼的筹备进度以及确实婚期，他大方透露婚礼筹备得“八八九九”，并落实会在今年冬季举行。

何广沛将筹备婚礼的重任全部交托给未婚妻

何广沛目前正忙于拍摄新剧《模范律师团》，他坦言因为工作繁忙，所以将筹备婚礼的重任全部交托给未婚妻：依家呢一刻就因为我而家忙紧拍剧啦，筹备婚礼嘅重任，就交咗畀未婚妻。咁我希望可能我嚟紧煞科之后，可以重新再pick up返个进度，可能帮轻返佢。因为我都知道而家，我忙住做嘢，令到佢全权去跟进呢件事系有啲辛苦，有少少不近人情嘅。”虽然何广沛要未婚妻独自筹备婚礼，但作为暖男的他怎会不跟未婚妻道谢：“所以我喺呢度都多谢你啊未婚妻！”

何广沛收入平稳　一直有剧拍

谈到下半年的工作安排及收入，何广沛表示虽然有传剧集减少，但他自己的产量依然保持：“暂时我又觉得影响不大㖞！虽然可能传都话比较少咗剧集开啦，其实我嘅产量都keep住，都仲喺度嘅。其实我而家拍紧《模范律师团》啦，嚟紧都好似有一套剧Mark咗我期。所以我都希望下半年快啲拍完𠮶套剧，可以之后再再抽身去返个婚礼。咁收入就都系正常啰，冇话大起大跌咁样，我比较平稳㗎我个人系。”

何广沛年底结婚落实陈晓华做兄弟

至于被问到陈晓华会担任何广沛婚礼的兄弟，而并前绯闻男友朱敏瀚同时亦是他的好朋友，会否安排二人一同担任。何广沛就直言不会尴尬：“因为呢啲系佢哋之间嘅私事啦，所以我都唔会话好尴尬，呢啲我就交返畀佢哋两个自己当事人去处理啦。咁总之我就会邀请Hera（陈晓华）做我兄弟啦，所以我唔会去理其他人嘅事情，唔需要我关心啦。因为我自己已经陶醉紧系我自己嘅幸福世界里面啦，我已经无视左旁边嘅所有人。”