第四季《人人和音 School Tour》最终回，邀得卢慧敏（Amy Lo）及蓝奕持（Lester）齐齐到访拔萃男书院，分享他们的儿时梦想，两人不约而同鼓励同学们趁年轻多作尝试，发掘自己真正的梦想。

卢慧敏自爆童年梦想当兽医

卢慧敏（Amy）儿时的梦想职业是兽医，大会刚巧邀得现职兽医的Dr. Angel Ngo到场分享，她表现相当兴奋：“我知道有Angel嚟𠮶阵，真系想冲返落台慢慢听，因为我觉得兽医系真正Hero。细个𠮶阵想读兽医，系好天真咁以为唔使对住人，净系对住啲动物，听完Angel分享，发现兽医其实都成日同人接触，呢个梦想破灭咗，哈。不过，最深刻系佢散发出嚟嘅感觉，佢好平静，头先再同Angel倾偈，听到好多做兽医嘅辛酸位，因为都系同生死有关。”

卢慧敏靠“虐待肌肉”解压

虽然Amy最终成为歌手及演员，但她认为自己同样是影响生命，亦很享受艺人的工作：“面对批评，我觉得最大嘅批评声音都系自己，有时会因为有一粒音唱得唔好，返去谂成晚。呢个有好有唔好，因为自己批评自问可以好Harsh，但系我希望每个人都有呢样嘢，呢个系对自己负责任嘅基本。”面对压力，Amy指每个人充电的方式都不一样：“我有时系瞓觉，有时系做运动，发泄晒啲嘢出嚟，我好钟意𠮶种虐待完自己肌肉嘅快感。”

很多人会担心梦想不能当饭吃，Amy直言：“系冇得当饭食，梦想就好似有人揿你个头落水，你要用尽全力气力挣扎、想唞气，如果你嘅梦想同你想挣扎上返水面呼吸咁用力，𠮶样就系你真正想做嘅。”

蓝奕持首登港校

自小梦想当电台DJ的蓝奕持（Lester），选择以唱作人身份加入乐坛：“我觉得都系同音乐有关嘅嘢，做唱作人就系分享自己嘅故事畀大家，有时写歌啲灵感会Kick住，我就谂返自己嘅初心。即使出嚟冇预期中嘅反应，我会同自己讲，我控制唔到好多因素，但系我推出嘅作品，就系我觉得佢值得被看见，所以唔好太在乎其他嘢。”他表示忙与追梦无关，只是优先次序：“你够钟意就自然抽到时间去做。”在马来西亚长大的Lester，更是首次踏进香港中学校园：“见到大家都有啲紧张，我都系，仲有啲怕丑，但系头先都谂起好多自己读书嘅嘢。”

第四季《人人和音 School Tour》圆满结束

两人除了在台上分享，亦不忘到台下与师生们近距离接触，Lester更邀请同学们齐齐跳舞，现场气氛轻松又愉快。第四季《人人和音 School Tour》圆满结束，感谢过去23个不同的音乐单位，亲身走访校园，宣扬追逐梦想的心法。