陈欣健（Philip）纵横演艺界逾40年，近日接受查小欣《红查馆》访问，大方重提年轻时的风流情史，自爆当年为防叫错名而将电话簿女性统称为“Baby”的独门秘技。然而，在风流才子的外表下，陈欣健对婚姻展现出了极致的责任感。面对结婚逾半世纪、患有认知障碍症十多年的太太张蓉蓉，81岁的他至今亲自悉心照料，常播放老歌《往事只能回味》博取妻子一笑，直言照顾过程一点都不辛苦，唯求兑现婚姻誓言。

昔日风流与独门“Baby冧女秘技”

一生绯闻甚多且曾被爆有多达近30位红颜知己的陈欣健坦言，自己生性感性，很容易因为女孩子的一把好歌喉而动心。为了防止叫错名字惹麻烦，他当年甚至索性将电话簿内所有女性朋友统称为“Baby”，更曾靠著逐一打电话叫“Baby”道谢的急智，成功找出一件匿名礼物的送礼佳人。尽管年少风流，陈欣健强调自己对感情始终抱持责任感，若女方追求安定家庭他会选择大方祝福，而如今高龄的他即使见到美女心动，也只会将她们视为纯分享心事的“闺蜜”。

陈欣健两女任经理人直言系恩典

谈及家庭，陈欣健与邵氏女星张蓉蓉结婚逾半世纪并育有两女，两名女儿现时皆在圈中担任高层经理人。大女陈早茵担任佘诗曼经理人，二女陈早怡是罗启豪经理人：“我畀佢哋好多自由，大家好似朋友咁相处，佢哋仲需要你去帮佢，呢个系一个恩典来。”陈欣健更笑说：“系呀，我太太畀咗好多自由我，佢成日都话‘你点玩都得，唔好畀我知’，我话呢句系废话，唔畀你知即系冇嘢啦，点会唔知呀，如果要知。其实都唔系佢畀自由，而系我工作性质，根本上系好难去局限到，我成日都喺外边，你冇可能叫我屋企嘛。”他续说：“我太太唔钟意出街，佢系一个好东方嘅女人，佢最钟意喺屋企睇电视，屋企要两部电视，因为佢睇嘅节目全部系京剧，我睇啲Rock and Roll。我哋拍拖嘅时间，有一种唔同嘅嗜好呢，系一个好大嘅吸引力，好新鲜。但当结咗婚，你沉淀咗七、八年之后，你发觉原来都投入唔到佢嘅圏子，你好容易就会自己走咗去自己嘅社交圏子，佢又好乐于喺佢嘅社交圏子，咁就变咗好似两个大陆嘅板块，慢慢慢慢裂开。”

无微不至照顾失智妻十余年

陈欣健至今悉心照顾太太：“我同我太太到而家都仲系一齐，我同我两个女都好锡佢同照顾佢，我觉得呢啲就系点解可以维系到一个婚姻，而唔系净系靠恋爱，咁先可以经得起风浪。”虽然太太有认知障碍啦，不过陈欣健直言一点不觉得辛苦：“你只要当佢系一个小朋友，当系一个小朋友照顾，收入好嘅当然可以揾到好嘅护理，经济唔好嘅，就要抱住佢系一个细路哥嘅心态，结婚嘅时候承诺过，无论佢生病，直至到佢嘅死亡，你都要咁爱佢，要照顾佢一世。呢个系一个承诺，如果你冇去兑现呢个承诺嘅时候，你自己都唔会好过，我觉得应该要去兑现𠮶个承诺。我老婆冇反应嘅嘛，间中畀佢听返《往事只能回味》呢首歌，佢只系记得呢首，唱到第四句佢就会加入唱少少，如果你抱住照顾一个小朋友嘅心态，你见到佢𠮶个笑，你会好开心，患咗呢个病嘅人，佢笑嘅时候，你会好开心，你会觉得我能够为佢带嚟呢种笑，哪怕只系几秒间嘅快乐，你都好满足。”正因为此，陈欣健无论是外貌还是心境都犹如四十多岁。被问及养生之道，他笑言自己从来不吃保健品或补品，最大的秘诀在于“心态”：“唔好记仇，唔好培养报复的心性。面对负面事情，用阳光的态度去中和它。”