视后唐诗咏日前接受HOY节目《关于快乐的死亡2》访问，与主持敖嘉年深度探讨人生与做戏的睇法，诗咏谈到2009年母亲突然离世的沉重打击，不禁泪洒当场，连敖嘉年亦被深深感动落泪。唐诗咏自责：“我𠮶阵时就系因为拍戏，我喺我嘅事业奋斗入面，完全冇理会过我嘅屋企人，我所有时间，全部都俾晒工作，所以我冇好关心过佢，我好坦诚知道自己，原来我俾得太少时间佢。”她更揭开自己最终决定离巢无线，亦是想修补遗憾，多留时间给家人和自己。

拍戏每日只懂跟规矩 无法好好了解人生

诗咏先从情绪话题切入，直认以前演戏对她而言如像考试，但自己未必可以好好参透：“因为我每一日返工，都好似要做到剧本嘅要求，导演嘅要求，入到去我要做好一个演员嘅本分，所有跟好多规矩，对于我嚟讲，你记得我哋拍戏𠮶时，太多嘢要处理！所以我完全冇办法去了解我嘅人生，我净系可以了解到呢啲嘅规矩，然后唔好再出错，但系呢个规矩系每一日都有一啲新嘅规矩。”她指自己人生的前半段就是这样去过。

母亲心脏起搏器过期突呕血 闻噩耗犹如做戏瘫软坐地

之后敖嘉年问起诗咏，2009年其母亲离世的情况，她直言打击好大、好大，当年母亲心脏设有起搏器，理论上要定期更换，但母亲却忘记，加上考虑到家中经济状况，原本打算再等等、之后再换，诗咏也不讳言：“我𠮶时候，我真系觉得系相信仲有啲时间。”随后母亲更去了一趟旅行，没想到回家后，母亲突然在床边呕血，唐诗咏惊慌之下即时叫救护车送院。隔天早上，唐诗咏心里突然涌起一种前所未有的不安情绪，于是她急忙赶往医院，却发生戏剧性的情况：“我想入去嘅时候，医生佢就出嚟，佢话‘你妈咪走咗’。𠮶吓我就……又系剧本，我系即刻成个人坐咗落地下，咁我就完全完全……”之后诗咏开始语塞落泪，停一停再哽咽：“我谂反应唔到，除咗喊之外，我可以做啲咩呢？冇，跟住个医生见到我喊，佢就即刻行开咗，我谂佢想俾啲空间我，所以𠮶个打击，我而家谂返，其实我明白生死，但系我谂有时候系遗憾，就系有一种嘅遗憾，你会发现有啲嘢，你冇做到。”

自责拚事业忽视家庭 揭离巢TVB为修正人生

另一主持郑家成问她会否有良心责备，她说：“太多！当然每一个人都会讲话唔关事，当然我会知道，学咗佛之后喺呢方面我会好明白好多嘢，但系你话唔能够完全唔自责呢？我又觉得好难。”诗咏在事情发生后，有了很大反思，她觉得要对自己坦诚：“我好明白，我𠮶阵时就系因为拍戏，我喺我嘅事业奋斗入面，完全冇理会过我嘅屋企人，我所有时间，我全部都俾晒工作，所以我冇摆过……我冇去好关心过佢，所有嘢都系佢关心我，好多时候妈咪会惊我冇嘢食。所以我好坦诚知道自己，原来我畀得太少时间佢，我好坦诚知道，原来我以为𠮶件事系一件小事，始终妈咪喺我嘅心里面，系一个好特别嘅一个位置，无论我而家学佛学到几了解人生、几了解生死都好，始终我呢个遗憾我知道我要去处理呢一样嘢。”

诗咏自学习佛学后，其实已看得比以前通透，明白人生的因果、业力影响很大，但她也表示：“当我睇返我妈咪嘅时候，我会清楚知道好多嘢，但系我会唔会为咗我一啲嘅遗憾，我冇做过嘅嘢，而家遗憾呢？我会有嘅。”她不想自己钻进去这个遗憾，反而是希望有机会去修正错误、拆解人生的剧本：“我觉得能够有修正嘅一个能力系好重要嘅，所以我点解会离开公司，点解我会俾返好多时间自己、屋企人，就系我会想修正返一啲自己嘅对自己嘅态度，同以往有少少唔同。”所以，诗咏除了学佛外，也开始长跑、禅修等等。

放下执念梦见亡母煮早餐 不求下再续母女缘：希望离苦得乐

被问到现时遇到困难会否很希望母亲在身边支持自己，诗咏坦言头七时曾极度期待母亲“回魂”或入梦：“咪要等佢返嚟嘅，我真系喺屋企，点解冇声嘅？好期待。”但一直未有如愿，她也不断想：“点解发梦冇见过佢，好多嘢都冇？”唯一一次只是跟朋友聊天时，诗咏隐约见到母亲的样子浮现；直至学佛并真正放下执念后，母亲才开始频繁地出现在她的梦中，像以往一样日常地为她煮早餐。至于来世会否希望与母亲再续母女缘？唐诗咏却平静表示：“冇，我希望我离苦得乐，我都希望佢都系。”