单立文（豹哥）今日（4日）出席剧集《非份之罪》晚宴时接受传媒访问，谈及拍摄处境剧《爱·回家之开心速递》长达九年半的感受，以及剧集完结后的生活转变。他笑言因为现时日日留在家中，惨被老婆胡蓓蔚（豹嫂）嫌弃，甚至被指“冇用”。此外，对于近日屡传《爱·回家》中两位要角滕丽名与林淑敏不和，豹哥亦亲身解画，力撑两人并无芥蒂。

剧集完结心情复杂 留家遭豹嫂嫌弃

《爱·回家》即将迎来大结局，饰演“熊树仁”的单立文坦言心情非常复杂，毕竟剧集陪伴了大家九年多，无论是台前幕后都充满回忆：“即系已经完咗啦，但系Keep住我哋剧集出紧街咁，又好似想佢继续喺个画面𠮶度，一路放，唔想佢停咁。即系咁多年嘅回忆，见亲每一个演员喺个电视剧入面，你都会谂起同佢嘅点点滴滴，同佢嘅开心心嘅日子，咁我觉得而家一时三言两语系讲唔到，要慢慢消化沉淀咗，我先能够再或者出本书再讲。”被问到剧集完结后的生活，豹哥笑指老婆豹嫂对他日日在家感到十分不满：“我老婆好憎我啰，因为我日日都喺屋企，我日日都喺屋企坐喺度，系咁到发吽逗。咁佢话：‘你咁鬼死冇用呀，你又冇嘢做。’咁就觉得自己有啲废！”豹哥苦笑表示，被老婆这样说后，自己都开始觉得有点“废”。

亲解滕丽名林淑敏不和传闻

提到近日网上盛传滕丽名与林淑敏不和，更有指二人在受访时“面阻阻”。豹哥对此大派定心丸，澄清只是一场误会：“佢哋两个当事人都冇话过不和，系你哋觉得佢哋不和咋嘛，即系咁个访问佢哋两个都冇承认过不和㗎㖞。”他还原当日受访的真实情况，指滕丽名因为下完大雨全身湿透及要赶往大陆拍摄剧集，时间非常紧迫，因此显得比较焦急：“阿滕又俾雨淋到湿鬼晒，佢已经炆㗎喇，一路食嘢𠮶时佢已经话佢赶住返去大陆拍《模范律师团》。佢已经好急㗎喇，咁佢问几时呀？做咩呀？又要咩？我谂佢系𠮶日要好赶，所以我谂系你哋揣测佢嘅心情同埋态度啫，我觉得阿滕绝对唔系啲咁嘅人。”豹哥更强调，以滕丽名直肠直肚的性格，如果真的有不满，绝对会直接向对方表达。

二人片场中没有异样

至于被问到与二人对手戏甚多的他，在片场中有没有发觉二人有异样，他表示：“其实佢哋两个‘双大’系好一个好封闭式嘅斗争嚟嘅，你唔觉得咩？一到‘双大’𠮶时，两个就系‘双大’就喺度撑㗎喇，我哋外人呢出唔到声。因为佢两个系大气场，个角色都系，所以我哋都系喺屋企劝下佢讲两句，𠮶啲都系插科打诨𠮶啲。”不过他深信二人的不和传闻只是子虚乌有。