娱乐圈育儿话题层出不出，日前陈凯琳（Grace）带儿子到戏院睇戏时，传出疑似骚扰到邻座观众而遭人“淋忌廉”；其后又被网民公审搭电车时将随身物品放在座位上“占位”，引发热烈讨论。昨晚（11/8）身为两子之母的孙慧雪（阿雪）出席活动时，被问及相关的育儿心得，过程紧张得汗颜、场面惹笑！

带仔睇戏变成“瞓觉天堂” 阿雪大赞大仔性格超好

讲到带小朋友去戏院睇戏，阿雪透露平时大多是带他们看卡通片的首映，但细仔的反应却让人哭笑不得。她笑言：“细仔呢，每一次可能熄咗灯，𠮶度就即刻瞓觉！每一次套戏播完晒，佢先至起身：‘咦？播完啦？’，几次都系咁，真系非常幸运呀！”

不过对于大仔，阿雪就赞不绝口，指大仔性格非常文静：“大𠮶个呢，佢就不嬲都比较静，性格真系好静，我反而相反活泼啲。”她亦提到平时会做好前置教育：“每次去边或者见到长辈，一阵间要叫人呀，每次都要提醒下啲小朋友。（真系好好家教㖞！）唔系呀⋯⋯⋯即系⋯⋯你有时提，但小朋友做唔做都系另一回事。（你又啱！）咁都要睇小朋友心情㗎！”

被问及在没有助手的情况下，大包小包的物品是否需要亲自手提拿？阿雪坚定表示：“系呀！（咁你搭车嘅时候咪将啲嘢放晒喺座位度？）哈哈⋯⋯你知唔知我系唔钟意搭车㗎！我系成日都会拎住啲嘢到处行，真系㗎！啲人成日都问我‘点解你拎咁多嘢嘅？’，但系我就觉得可以行下、可以减肥，所以通常我都唔搭车。同埋我老公都好好，我老公会来接我！（咁佢老公咪麻麻地？）哈，我唔知你讲乜嘢，哗，流汗添，唔得啦，我有少少hang机啦。”