《中年好声音4》将于本周日举行决赛，而当中以蒙面身分参赛的艺员同事，包括“企鹅人”周志康、“狮子王”罗天宇、“猫女郎”刘佩玥、“白羊君”姚兵、“白眉鹰王”莫家淦、“树熊公子”黄建东，其表现都令人眼前一亮，令TVB著意为几位找来一个属于自己的舞台，决定由六人举行《爱爆动物音乐秀》，于9月30日麦花臣场馆举行，昨日（21/8）几位便在记招分享感受。

其中周志康、罗天宇及刘佩玥接受访问时，罗天宇及刘佩玥都同样觉得比赛未做到最好，往往被紧张心情影响表现，好想今次藉著舞台，做一次更好的演出畀大家睇。刘佩玥最想在演唱会上表演跳舞︰“我曾经喺屋企练习Moonwalk，但真系会平衡唔到跌低。现在跟表演仲有时间，又睇下可以练到甚么。我比赛后都冇偷懒，有继续练歌，都希望经过大半年后，畀大家睇下有咩进步。”

讲到会否讲嘉宾，大家当然最想看周志康与周志文两兄弟合体，而且身边仲有绯闻女友刘佩玥，有十足话题。周志康︰“都要睇佢档期，佢要忙自己生意，经常飞来飞去。”罗天宇︰“以前都会同阿文打篮球，我都谂唔起上次打波系几时。”绯闻女友刘佩玥就表示不太清楚他的行踪︰“就算佢唔做嘉宾都好，我谂都会嚟支持我哋。”周志文更指要他做定三块灯牌。

周志康刚刚在上星期被淘汰出局《中声4》，虽然总会有点失望，但依然感恩可以参加今次比赛。“一路都接受呢件事会发生，比赛始终都有胜负，但最开心大家会唔舍得我被淘汰，系好感恩。”周志康对赢输放得开，但太太及两位囡囡就即时喊得好厉害︰“妹猪（女儿）喊系因为唔舍得爸爸冇得再录影，因为在现场跟好多哥哥姐姐都玩得好投契，所以系唔舍得冇得录影多啲。”不过据知，罗天宇在现场听到这番感言亦喊晒。“系啦，讲嘢鬼死咁感人。”周志康指节目上播出分几钟，实情在现场讲了十几分钟。“系讲到支咪冇电，十个月的旅程太多嘢可以道谢喇。”