无线（TVB）选秀节目《中年好声音4》进行得如火如荼，实力派参赛者尤淑情因屡创佳绩，人气居高不下。然而近期有网民发现，内地预告演出海报上出现其身影，引发外界质疑比赛结果早已“内定”，指她必定是今次比赛的三甲人选之一。对此，尤淑情今日（22/8）出席《中年好声音4》造势活动，接受《香港01》访问时正面回应传闻。

谈到网民质疑演出海报揭示她是“内定三甲”，尤淑情笑言：“咁如果真系咁讲嘅话都唔拒嘅，哈哈！如果佢哋咁谂……希望系啦！边个都希望系㗎嘛，系咪？其实我哋都要好好咁准备。其实我都冇谂三甲或者七强啲嘢，因为我本身好注重自己每round嘅歌，我比较执著我嘅歌一定要唱好。所以呢一次七强都系一样我嘅心态，因为我哋谂系冇用嘅，好多嘢都会有变化，最重要就系自己嘅歌要唱好。”

提到吴亦伟发音未够标准却依然获得评审高分、被指获手下留情，尤淑情亦表达了看法：“系嘅，有时觉得‘吓？点解咁高分嘅？’我哋都唱好辛苦㖞，又唔可以出差错咁啰。都会有嘅，会觉得‘点解你咁样嘅字？’不过我觉得呢啲有时……佢都有佢表现嘅魅力喺里面，咁又无可否认嘅。佢有佢自己本身独特嘅风格，系评审好钟意嘅。所以呢啲系睇评审嘅睇法同客观睇法，我哋做唔到咩决定啦。”

对于会否担心自己未来的选曲会受影响或遭受不公，尤淑情则坚定表示会继续专注个人风格：“我就比较执著于我自己，我一定要做返我自己歌㖞。因为我系唱畀欣赏我嘅歌嘅人，我要欣赏我自己，我唱出来自然有人欣赏我。唔系讲每个人都会欣赏每一样艺术品，我系一个艺术，咁钟意我嘅人咪钟意听啰。唔钟意嘅话，就算我哋做得几好，都系唔钟意，所以我都系要坚持做返我自己，我一定会揾到一班钟意听我歌嘅人。”