不老男神张智霖（Chilam）今日（26日）出席月饼品牌活动，现场吸引大批粉丝到场应援，更有远至内蒙古的粉丝前来追星。今次Chilam更担任品牌的创意官，设计出非常有新意的“心形老婆月饼”，更笑言设计期间当然想著老婆“靓靓”袁咏仪：“个心好甜！”并透露一家人都有试过新款老婆月饼。

张智霖爆袁咏仪不爱买包只喜欢煲剧打机

接受访问时，谈到Chilam明天（27日）生日，Chilam笑指生日希望能够打麻雀，工作过后就会约好麻雀脚：“好耐冇玩，因为要排练，做完嘢Work hard play hard，做得辛苦之余都要玩得开心，人生应该系咁。（朋友入面边个最叻？）年年都唔同，我哋有个chart，我旧年系最叻嘅，今年就输紧，不过无所谓嘅。（城城排第几？）我唔可以讲呢啲㗎！”问到可会两公婆一齐打麻雀，Chilam搞笑指靓靓现时已没有打麻雀瘾，亦很少再买包包：“佢钟意睇剧同埋打游戏！（仔仔有冇一齐打？）教过佢，但佢冇乜前途，喺呢一方面，佢都系玩音乐同埋结他比较叻啲。”

Chilam指与儿子同台出属美好回忆

提到日前广州演唱会，儿子魔童惊喜担任乐手为父亲伴奏，Chilam表示儿子能够成为乐队的一份子都经过音乐总监的批核，更指上台演出都需要对自己及观众负责任，亦提到今次是儿子问可否尝试做乐手：“系试完之后音乐总监觉得OK、水准合格咁先有呢个机会。我觉得啊？咁当然每个人都有进步空间，包括我自己在内。我有时睇返自己呢个音我唱得唔好，或者可唔可以做吓运动够气啲，我自己都不停管住自己嘅时候，都冇太多时间理佢究竟系点。”Chilam坦言觉得与儿子同台非常难得：“自己又未老得晒，仲可以开演唱会，而佢已经有咁嘅年纪又真系去工作，我希望呢样嘢系一个美好嘅回忆。（会对佢特别严格？）我都系顾掂自己先，我都唔系完美嘅人。”问到儿子会否入行，Chilam表示：“我谂佢有自己谂法，佢参与咗之后会知道自己有咩不足。”

提网民大赞魔童靓仔Chilam搞笑“呷醋”

问到老婆袁咏仪对于两父子同台可有什么评价，Chilam迟疑了几秒并露出一言难尽的表情，搞笑说：“佢梗系话...‘佢好似有型啲㖞’𠮶啲咁嘅嘢啦。（靓靓电话系咪系咪全部都系个仔？）我唔知啊，我唔想知啊，俾返少少尊严我得唔得啊。”提到大批网民都大赞魔童靓仔，Chilam即打趣说：“咁点啊？咁我呢？Where am I？”并表示儿子今次只是来弹结他，外界不用将太多焦点放在儿子身上。讲到有网民指魔童完美复刻袁咏仪在电影《金枝玉叶》中的角色“林子颖”的样貌，Chilam直言：“你哋话似咪似啰，我就觉得似我喇！身形真系有啲似我，有时见到背影，系佢定系我嚟呢啲相，原来系我嚟㗎？”

Chilam赞魔童表现淡定

至于工作方面，Chilam希望明年去更多的地方举行演唱会，亦正计划在香港举行演唱会：“如果你要我拣，我都系好钟情红馆，因为之前两次演唱会都喺红馆，我成日觉得自己会有个三部曲，今次会唔会系最后一次呢？如果真系最后一次，即系年纪都唔细啦嘛我依家，如果系最后一次我会想喺红馆。（仔仔会一齐走巡演？）尽量我希望佢会陪我更加多站啦！”Chilam亦分享到举行演唱会期间，发现魔童弹结他期间，结他突然断线，他大赞儿子镇定慢慢换了线：“就系要学识处理事情嘅方法，呢啲就系一点一滴嘅累积，希望佢会变成成功嘅人。”