黎诺懿当年因《爱回家》马壮一角，有著“最接近神嘅男人”、“神之马壮”等称号，其实他入行早期已因为酷似陈百强而获得《当四叶草碰上剑尖时》、《恋爱自由式》等机会，甚至是力捧的“奥运六星”之一，不过近日他接受新城电台节目《靓靓陪审团》主持范振锋、高力豆沙访问时，就直认当年年少气盛、招积，坦言：“我好麻烦㗎后生！如果唔系都唔会畀人雪啦！”、“廿年前觉得自己唔系刘德华都古天乐吖，或者梁朝伟吖。”他后来更因麻烦及爱擅改剧本，慢慢冇监制起用，被雪藏及“掉”去儿童组，直至后来转战国内，参加《舞动奇迹》节目后，方慢慢领悟到自己不足，人生才随之而改变，除了一尝做男一滋味，后来更转型做监制、导演。

黎诺懿第一套剧集是《恋爱自由式》，但《当四叶草碰上剑尖时》就较先面世，他解说：“四叶草要系一个从来未喺TVB见过出过镜嘅男仔，亦都要好黑嘅一个男仔，咁佢（监制钱国伟）就问《恋爱自由式》个监制话边部出先，佢话‘我𠮶部冇咁快出。’ Wilson（钱国伟）就话‘咁啱啦，我出先，你介唔介意？’‘咁你出先啰。’食咗头啖汤，所以《四叶草》我就可以拍得到。”

黎诺懿近年兼任监制、导演工作，他直言做演员很补动，常常都会思考能否主动多些，疫情期间初尝监制工作，直至曾志伟成为TVB高层，他对黎诺懿说：“你横掂都监开，我俾个现场节目你监。”于是他监制了《慈善星辉仁济夜》，大家开始认可他的监制能力。主持高力豆沙问黎诺懿：“如果今时今日监制，会唔会拣返以前嘅你？”黎诺懿劈头便说：“梗系唔会啦！咁招积！好麻烦㗎嘛后生，如果唔系就唔会俾人雪啦，我招积㗎。我成日都觉得自己唔应该咁，廿年前觉得自己唔系刘德华都古天乐吖，或者梁朝伟吖，冇理由唔系咁样吖。”

他想自己可能是年少气盛，不太能跟人相处，坦言：“我成日都同人闹交㗎后生嘅时候，嘈得最多可能系剧集方面，我改（剧本）啰，改得多，编剧就会改得‘你好叻呀？改晒我啲嘢？’”他后来慢慢明白，自己根本未够班，不知演戏为何物，也未知别人为何要改剧本，只顾自己；也正因如此，越来越少监制起用黎诺懿，他更被“雪藏”，并续说：“公司觉得你有问题，想掉你去儿童组，呢个都唔系一个秘密，去《DaDaDeDe小名厨》，你咁钟意做梁朝伟周最驰，落返去儿童组先啦！唔好搞咁多嘢喇。”

黎诺懿表示，当时他已经做完“奥运六星”，却竟然被“炖”去儿童组，使他心态上更加叛逆，甚至“反台”，后来一次机会他终于醒觉。他说：“去到真系某一刹那，真系冇监制用嘅时候，真系开始冇，我觉得上天对我不薄，俾咗我去国内做一个《舞动奇迹》，由𠮶时开始我领悟到自己嘅不足，领悟到世界之大，咁就真系成个人开始唔同晒。”若没有这段经历和反思，相信就未必有之后的“马壮”、《不懂撒娇的女人》的“贱Han”，以及《BB来了》的Elvis。