梅艳芳妈妈覃美金今日（8月30日）离世，梅启明下午于医院外见记者，强调会以儿子身份负责梅妈身后事，将用梅艳芳信托基金为梅妈风光大葬。不过，今日同样出现在医院的梅妈生前好友潘小文，她接受《香港01》电话访问时，就表示梅妈一早已经立好遗嘱及安排自己的后事，将交由孙儿处理，称梅启明冇资格：“Auntie（梅妈）生前已经同呢个人脱离咗关系，事实上呢，佢的而且确系auntie个仔，佢有权做任何嘢嘅，但系家属嘅意愿系希望低调，同埋auntie生前亦都立咗遗嘱，已经安排咗自己嘅后事，明白梅启明先生嘅心情，但系都希望佢尊重家属嘅意愿。”

梅启明不屑潘小文说法：孙就系孙，仔就系仔

《01娱乐》对此再向梅启明查询，他对潘小文说法不屑一顾：“呢个唔需要理会佢， 孙就系孙，仔就系仔，再加上佢系冇权去处理任何嘢，佢话有遗嘱，冇用嘅，我会处理，搞咗啲有关嘅嘢先。”问到若法律上判定潘小文口中的梅妈遗嘱若有效，会否遵从遗嘱上的梅妈意愿，梅启明则扬言：“咁我咪又揾律师处理啰，我一定唔会俾佢咩。根本嚟讲，佢冇资格同我处理呢样嘢，佢喺阿妈身边就唔会令到老人家死啦！呢个系好严重嘅问题！”现时梅启明一方与梅妈孙儿及潘小文一方各执一词，被问会否担心最后要争后事举办权，他重申：“唔紧要㗎，一，佢冇资格同我争，二，喺法律上佢更加冇，如果讲遗嘱我更加要去争取。”

此外，问到若孙儿及潘小文一方非常低调及保密去处理后事的话，有机会搞完后事梅启明都全不知情，他则信心十足认为根本不可能低调：“冇冇冇冇冇，呢啲唔系佢处理嘅问题， no，no，而家我都知啦，点唔俾我知？我听朝就去处理𠮶啲嘢，因为要攞咗证件𠮶啲嘢之后先处理，再唔啱我都去揾律师发禁制令，禁晒所有嘢，冇得郁。”