“足球女神”以及曾主持女人车经节目《晚吹─ 一车女人》的潘杰宁，近日拍片自爆一年前遇上严重车祸！她透露自己疼惜的座驾被一辆逆线行驶的小巴迎面撞过来，结果其座驾被撞至“Total Loss”，一年间她未有对外分享过自己撞车，坦言：“以为冇断手断脚就冇事，但其实情况唔系想像中咁简单。”潘杰宁表示：“睇返片，我嘅本能反应已经有向右扭，但系真系太突然，对面架小巴就咁逆线冲埋嚟，一年后嘅今日我系有后遗症，颈椎C5、C6、椎间盘照到一个大范围嘅突出，所以我成日都颈紧膊痛、头痛、手会电击痛，有时瞓觉都会痛醒。”她分享自己的经历，是希望慢慢与身体和解，希望能收集不同建议，并承诺会不停更新进度。

低估身心后遗症 收集建议盼慢慢与身体和解

潘杰宁直言，一年间发现自己身心、日常都会因车祸而受到影响，但之前似乎不懂接受会经常有痛症的身体，一年后想拍片逼自己面对，并集思广益。她说：“我知道要 keep 住做嘅有：物理治疗、饮多啲水、练背肌、拉筋，令自己心情好啲、钟意返自己多啲，你哋有冇人都一样颈椎椎间盘突出？有同我一样嘅症状？仲有啲咩我可以做架？”不少人留言为潘杰宁打气，叫她保重身体，又有人分享各种方法，甚至有物疗治疗中心等留言，潘杰宁就感激表示：“I am so loved ❤️ 收到好多建议，多谢你哋 🥹 好有爱！因为现阶段系跟住骨科医生同物理治疗师嘅指引去做复健，如果加其他治疗都需要先经由主诊医生评估同转介，所以我要先咨询咗医生意见先。真系好多谢你哋嘅热心，我好感动！”