蔡卓妍（阿Sa）今日（03/9）到铜锣湾出席一个品牌活动，今次是她于4月28日宣布与健身教练林俊贤（Elvis）结婚后，首次以“林太”身份接受访问。阿Sa全程洋溢著幸福笑容，除了甜爆分享新婚生活之外，更首度大方透露老公仔的超浪漫巴黎求婚过程！

未有戴婚戒现身　笑言放保险箱怕遗失

阿Sa以一身型格造型现身，不过就未有戴上结婚戒指，她即笑言：“今日做人哋品牌嘅活动，无理由戴其他品牌。”还有就是担心会像上次与阿娇出席保良演唱会时，戒指不慎飞脱的情况再次发生，当时幸好与阿娇有默契，一个眼神或者一个动作就知对方想点，“好彩𠮶只唔系结婚戒指，如果系结婚戒指，真系吓死我！所以好似今日要做嘢，或者拍戏，我就会摆喺屋企保险箱先，平时出街先戴。”

首爆浪漫求婚过程　老公精心布局约齐助手朋友“包场”

问到现时婚姻生活？阿Sa直言：“都几好㗎。”并大方分享老公的求婚过程。阿Sa透露，求婚发生在早前两人的一趟法国旅行中，老公早早便精心策划：“佢真系一个好几Well-planned（有计划）嘅人！去旅行𠮶阵，佢又约埋我啲朋友容祖儿、助手佢哋飞过嚟。”

阿Sa回忆道，求婚当晚大家安排去一间餐厅用餐，容祖儿和一班朋友临飞前还煞有介事地提醒她：“订咗间好靓嘅餐厅呀，大家带啲靓少少嘅衫，著靓靓去食啦！”阿Sa笑指因为当时天气冷，她里面只简单穿了一件“平平地”的衣服，再穿上一件羽绒外套到场。然而全晚气氛却相当“怪异”，众人不断逼她脱下羽绒：“我件羽绒全晚被针对，全部人系咁讲‘你件羽绒好核突，不如除咗佢喇！’我𠮶时好冻嘛！心谂‘影相𠮶阵先除啰，做乜食饭食到一半咁冻要人除羽绒？’”

老公自拍泼冷水　单膝下跪惊喜求婚哭掉眼线

饭局去到差不多时间，老公突然提议：“出面个景咁靓，影张相啦！跟住我朋友除咗我件羽绒，畀咗件劲薄嘅外套我。我仲心谂：‘快啲啦！’然后我老公喺度自拍，我话：‘咁黑唔会影到嘢㗎。’系咁泼佢冷水，无几耐就知了，原来系求婚。”

阿Sa指老公即场拿出鲜花及求婚戒指，单膝下跪向她求婚！阿Sa笑言：“𠮶下真系好惊喜！然后啲朋友就出嚟了，原来佢哋喺后面拍紧片！最搞笑系个Spot（景点）原本好多人，唔知点解佢哋搞到啲人自动自觉走晒，后来先知原来系我当地朋友同咗现场啲人讲。”阿Sa笑指当下都有感动到“流咗几滴眼泪”，连画好的眼线都哭到全掉：“我啲Eyeliner 甩晒，𠮶啲片啲眼泪全部都系黑色㗎喊！（所以就无开心Share畀大家睇了？）我又唔系一个咁有分享欲嘅人，有啲嘢我会乐意同大家分享，有啲又觉得唔使下下放上网。”

造人计划顺其自然

成为“林太”后，外界最关心阿Sa的造人计划。对此，阿Sa大方回应：“顺其自然啦！（自己都钟意小朋友？）无乜所谓。”

大赞老公厨艺比自己更胜一筹

阿Sa又指最近拍摄一部关于食的喜剧，未知会否是贺岁片，但是在《祥赌必赢》的合作班底下，再加新演员，戏中她也要露两手，虽然平时都有下厨，但拍戏一些镜头要展现技术，故事前特意去上了几节烹饪堂，切功进步不少。问到私下有何拿手好菜？阿Sa自豪地说“咕噜肉”，因当年拍节目学过，还煮给刘德华食，获对方赞好食。

问到老公现在是否她专属的试食“白老鼠”？阿Sa大赞老公厨艺：“佢煮嘢食仲劲！佢蒸肉饼几好味。”记者笑问两公婆会否在厨房“Battle”切磋，阿Sa甜笑指Battle就没有，但会一起“煮饭仔”，她也会煲一些简单的汤水。

预告年底与阿娇有新搞作　调侃雀友Jer牌艺

此外，提到她早前透露与阿娇（钟欣潼）年底有新搞作？阿Sa卖关子表示：“阿娇唔喺度唔讲住。（系唔系side track演唱会？）你估下？下个礼拜就知㗎啦！留意我嘅社交平台！”

活动现场同场还有“雀友”柳应廷（Jer）。阿Sa笑言见到对方已第一时间叫“老板”，“佢输钱畀我呀嘛，仲唔系老板？（佢成日话自己赢？）可能佢同其他人打系挂，哈哈！（佢话佢牌艺叻过肥仔？）咁又无可能呀，不过肥仔都做过我‘老板’嘅，佢又无喺我面前除衫，可能我气场镇压到佢。但佢同Jeremy都真系打得几好。（Jer话想同妳开套麻雀戏？）好啊。都可以开Live试试先嘅，粗口咪嘟咗佢。”