视后佘诗曼昨晚（3日）出席《香港01》十周年庆祝酒会，最近日深夜重播12年前的神剧《使徒行者》掀起话题，网民激赞阿佘外貌多年来零变化。阿佘笑言自己亦有捧场追看：“开心嘅，因为《使徒行者》都系我好钟意嘅一部戏，钉姐同爆Seed（林峰 饰演）都系一对好深入民心嘅CP，觉得𠮶时套戏好好玩。（网民赞冻龄？）我都希望系咁呀，努力Keep！”

获赞“全行最好人”：佢遇得人少

早前获马天佑大赞是“全行最好人”的艺人，阿佘谦虚笑指对方“遇得少人”，但承认对自己要求极高。“我的确系应承人要做嘅嘢我都会尽力去做，尤其系唱歌，都唔系𠮶办，咁我更加要俾心机，我都唔系好想唱衰人哋只歌。”她自爆录音录得最耐，事前亦花了不少时间练习。

问到可会推出独唱歌？她说：“我唔知呀，因为啲fans话我25周年我都出咗只歌送俾佢哋，嚟紧30周年系咪又有只歌，我话佢哋咁贪心架？我话睇吓点。”她透露去年连续拍完两部剧后会暂时放慢脚步，现时多留在家中专心陪妈咪行街食饭。

亲解钟丽淇暴瘦疑云

近日闺密钟丽淇在生日派对上被指暴瘦，阿佘随即为好友澄清，指对方只是抱恙在身：“系呀，𠮶日佢唔系好舒服，食咗药，个人呆呆滞滞咁。其实𠮶日我都唔舒服㗎，我都瘦咗好多，我之前有流感。”她续指钟丽淇作为尽责妈咪，整个暑假忙于安排节目带小朋友四出游玩，搞到自己十分疲累。对于被指出现“歪嘴”情况，阿佘说：“佢𠮶日系唔舒服。”

痛悼智者刘兆铭：我永远记住你嘅爷爷

谈到资深老戏骨刘兆铭（Ming Sir）离世，阿佘忆起两人曾合作《七姊妹》与《赌城群英会》，难掩哀伤。她表示一直尊称对方为爷爷：“我叫佢爷爷，因为《七姊妹》戏中佢叫我奀猪。我成日有嘢问爷爷咁点样点样？佢永远都用一个好圆嘅方法去答我，佢唔会一针见血，而系要你思考，唔会话答案你听，就系要你谂通件事，觉得佢系智者。”面对前辈与世长辞，阿佘伤感直言：“损失一位咁好前辈当然唔开心，但佢都90几....我永远记住你嘅爷爷。”