前无线视后唐诗咏（Natalie）离巢后享受自由身，昨日（3日）她盛装出席《香港01》十周年庆祝酒会。早前她在ViuTV剧集《日落下的彩虹》中首度挑战母亲角色，饰演基层人妻“斌嫂”，与潘灿良合演夫妻，并与COLLAR成员许轶（Day）及苏文涛饰演两母子，充满层次感的突破性演出大获网民激赞！

零排练演母女痛哭戏 激赞拍档属天才型

剧中唐诗咏与Day饰演的母女，因女儿“小产”一事而引发的深情对话，令无数观众动容。唐诗咏受访时大爆该场重头戏原来是“零排练”上阵，她说：“𠮶场戏我哋系从来都冇排过嘅！因为𠮶一日阿Day有好多情绪，我哋见到佢有嘅时候，导演就话‘喂，唔排，我哋即刻做得唔得？’我话OK好啊，咁就即刻试！做完都谂紧得唔得㗎，但出咗嚟我都觉得好开心，见到个成果。”

除了对Day的表现感到惊喜，她更点名力赞戏中冷面爆肚的儿子苏文涛：“佢系我合作过，我觉得佢系一个天才型嘅演员！我其实都几想再同佢再拍，佢真系有好多无限嘅可能。”她亦大赞Day充满潜能，希望对方唱歌之外，还可以拍更多剧集。

化身Threads新丁 网民拆解微表情感窝心

面对网民的热烈讨论，唐诗咏笑言自己为了紧贴民意，特意化身为“Threads新丁”。她感动地表示：“导演叫我上去睇吓，睇完之后好开心！佢哋好清晰睇得好犀利，好知道我哋每一个对白嘅用意。有时可能冇对白净系用眼神，佢哋都可以讲到俾我哋听想表达啲乜，所以我睇嘅时候觉得好感动。”

追梦重返校园学整面包

谈到未来的发展大计，唐诗咏笑称自己从不爱周详计划：“啱啱忙完宣传，我唯一想嘅就系再去学整面包，我想做返学生！”她表示只是单纯想帮自己增值，怀念以前简单纯粹的上堂日子。

回顾过去十年的演艺生涯，唐诗咏百感交集：“呢10年我离开咗一间公司，去咗一个新环境，同大家一样都面对好多问题。有时人生未必要知未来会点，唔需要太害怕。最紧要对自己有信心，同埋畀啲勇气自己，只要𠮶样嘢我系好钟意做嘅话就坚持啦！”展望未来，她期盼下一个十年能再遇上一个如“斌嫂”的角色，让观众记得。