电影《厨师发办》，由黄浩然执导，卢镇业、梁雍婷、杨偲泳等主演，上星期四（20/8）上画，累积票房有100万，算是不错，但奈何已经要面对戏院减场次。前港台DJ，资深传媒人曾智华（Luke Sir） 看毕《厨师发办》，甚为喜欢，从而对于场次太少感不忿，决定在个人社交平台发炮，矛头直指周星驰新作《功夫女足》：“院商的眼光，是否一定准呢？⋯..例如放映到今天已经谢晒的《少林女足》（编按：功夫女足），凭乜霸住咁多映期，唔俾其他有潜质电影试吓？”

资深电影人田启文（田鸡）今日（7/9）出席电影首映礼。就前港台DJ曾智华（Luke Sir）在社交平台发文抱不平，接受《香港01》访问时以业界角度大谈戏院排阵的“现实面”。

戏院排阵属商业考量 宣传费用成关键

面对《厨师发办》场次减少，田启文指出戏院排阵绝对是商业决定，取决于电影能否带动票房以及发行商的宣传策略：“呢个绝对要问番戏院点解会排啦，相对嚟讲排得少，可能都系因为卖多两张飞戏院就系赚，好现实㗎嘛。排得少会唔会都系商业行为？佢有无揼啲宣传发行费落去？呢个会有影响㗎。”

天地场影响票房 吁团队“出奇制胜”

对于好口碑的电影因场次少或被编排在“天地场”而影响票房，田鸡坦言确实有影响。但他认为，电影团队需要主动出击，不能单靠要求戏院加场，观众的实际行动才是谈判筹码：“点样平衡到？唔系单方面一个问题。有啲戏排得多，佢都唔一定系做得好好成绩㗎。有好多嘢要谂计啰，例如啲谢票场啊，或者你要出奇制胜。因为依家观众都几拣择，唔系话你去搲佢就睇，真系要去谂啲嘢令到观众觉得你部戏系非睇不可先有用。”

田启文又指：“有时候戏院排咗个天地场，真系有影响㗎。但因为我有时候我都得闲同啲戏院倾过，佢话：‘我畀多两场你，你系咪有人睇先？’公道啲讲，一开始畀嘅时候大家系咪有支持？有时好奇怪㗎，你有场数𠮶阵时又唔睇，无𠮶阵时又嗌。我觉得有时候我哋都要攞啲理据出嚟去同戏院嘈。如果冇戏院做，都唔会傻到咁，有啲嘢系要转变嘅，例如我自己套纪录片都要先做好多包场累积口碑啦。”

拆解《功夫女足》霸场争议

针对曾智华不满《功夫女足》即使票房回落仍占据大量场次，剥夺其他潜质电影的空间，田鸡解释这涉及发行商与院线的商业协议，以及院线自身的投资背景：“咁有商业协议㗎嘛，发行上面有不同嘅倾法，例如promise包几多。就好似有啲院线，安乐嘅戏佢自己发行自己制作，梗系排多啲啦！就好似之前《夜王》佢剩系睇《夜王》就冇得睇其他。好现实㗎，戏院系佢，部戏系佢，投资又系佢，佢放晒落去你唔可以话唔啱㗎。加上又有人睇，所以我哋大家公道啲啦。”