有“最美星二代”之称的沈月，今日（13/9）到尖沙咀出席活动，为爸爸沈嘉伟旗下品牌担任“生招牌”，身形颜值不输同场女团BABY MONSTER。

大爱K-Pop

沈月受访时，坦言自己私底下非常喜欢听K-Pop：“我细个开始好钟意EXO，BABY MONSTER都钟意，aespa最近又有同我哋另外一个牌子合作，仲有ENHYPEN同TXT都有听。”问到父亲沈嘉伟的时装品牌近年常与韩国女团联乘，是否由她提供建议？沈月笑言：“我冇畀意见呀！不过听到有合作就好开心，我平时听佢哋多啲，意见我就真系冇畀，冇参与过。”

笑问她们三姊妹颜值高，小时候有否想过组女团？沈月随即笑著摇头，表示：“冇啊，因为佢哋都比较怕羞。而我自己虽然都钟意跳舞唱歌，但系喺屋企𠮶阵先会，一定唔会攞出嚟！（点解？）又唔系咁叻，纯粹兴趣，喺屋企同妹妹跳下舞、唱下歌，冇谂过要成为事业。”她更直言暂时完全没有幕前拍戏或出道打算，之后机会也不大。

自揭兴趣系画画与写作　亲手画画送父母

谈及现时兴趣，沈月透露近期喜欢画画与写作，“我呢排日日画画，咩都画，例如妹妹啱啱生日，我画咗我哋细嘅嘅时候，又会画下我只狗同其他动物。仲有之前爹哋生日，我都画咗个部车畀佢，妈咪生日，我就画咗佢师傅宁波车畀佢。而我嫲嫲系属鸡，我就画咗只鸡送畀佢。”

记者建议她可尝试为家族品牌绘制设计图或创作绘本散文集，沈月笑言可考虑，不过也害羞表示：“其实我画咗好多，但系自己有啲怕羞，觉得呢样嘢好Private，所以未谂好发表，希望将来有个自信，可以放出嚟啦。（钟意写嘢有冇谂过做编剧？）希望有得做，但听讲而家开戏好难。（叫爸爸投资，张智霖几个Uncle演？）唔敢，我写啲嘢好烂。”

公开择偶条件：相信一见钟情

刚踏入25岁的沈月，感情状况一直是外界关注的焦点。被问到有否画画送给男生？她即时大方表示：“未呀！（点解啊？）冇人送啰。”她透露目前身边并没有追求者，因为全被她拒绝了：“我如果冇兴趣呢，我会马上拉开距离，唔会拖住人，同埋我可能睇太多书同剧，我好相信一见钟情！有呢种感觉先会倾落去，否则我系倾都唔会倾。（即系唔会收兵？）我冇兵㗎。”

被问到理想型的条件，沈月坦承眼角高，笑著列出了一长串条件：“要靓仔、善良、孝顺、要好锡屋企人！但我真系觉得无人达到呢个要求。”当记者追问要“靓仔”到哪个层次时，她甜笑回答：“好似林志颖细个𠮶种，或者金城武，所以比较难揾啰！”她也透露父母从未催促她谈恋爱，但都倾谈感情事，“爸爸成日话我要揾个好似爸爸咁锡我嘅人，但我谂咁就揾唔到了㖞，边有人会好似爸爸妈妈咁锡我。”

与家人到韩国庆生　赞妹妹摄影技术好

沈月又透露早前与家人一同赴韩国釜山及首尔旅行庆生。“我同妹妹（沈晨）两个先去咗釜山，跟住再去首尔会合屋企人。”对于网民大赞她与妈妈邱淑贞愈来愈似，沈月谦虚表示：“我唔觉得自己似（妈咪），妈咪亦唔觉我哋似，话有啲人睇，可能系睇啲感觉。但我觉得妈咪真系好靓，冇人似佢咁靓！”更笑言三姊妹加埋都不够妈咪美。

至于在社交平台上载的唯美海边写真，她透露全是妹妹沈晨帮忙拍摄：“佢哋新一代影相好叻，我都有帮佢影，但佢应该唔会发，因为佢怕丑，所以我哋合照我都遮一遮佢个样，保护下佢私隐。（妹妹好神秘？）系啊，佢真系好神秘，不过佢都16岁了，但喺我哋心目中都仲系好细个！”